ورلڈ ٹی20، پاکستانی ٹیم بڑا سکور کرنے میں‌ناکام، بھارت کو 130رنز کا ہدف ، عمر اکمل کے 33رنز ، امیت مشرا کی 2وکٹیں

ڈھاکا (اُردو پوائنٹ اخبار تازہ ترین۔21مارچ۔2014ء) ورلڈ ٹی20کے میچ میں پاکستان نے بھارت کو میچ جیتنے کیلئے131رنز کا ہدف دیا ہے ، ڈھاکہ میں جاری میچ میں بھارت نے ٹاس جیت کر پاکستان کو پہلے بیٹنگ کی دعوت دی ، پاکستان کی جانب سے بیٹنگ کا آغاز کچھ اچھا نہ ہوا اور کامران اکمل جلد ہی رن آوٴٹ ہو گئے ، بعد ازاں محمد حفیظ اور احمد شہزاد نے سنبھل کر کھیلنے کی کوشش کی ، محمد حفیظ ایک کیچ ڈراپ ہونے پر نمایاں کارکردگی نہ دکھا سکے اور 22رنز بنا کر آوٴٹ ہو گئے ، حفیظ کے آوٴٹ ہونے کے بعد مجموعی سکور میں صرف3رنز کے اضافے کے بعد احمد شہزاد بھی 15رنز بنا کر آوٴٹ ہو گئے ، شعیب ملک اور عمر اکمل نے اس موقع پر ٹیم کو سنبھالا اور جب پاکستان کو سکور97ہوا تو شعیب ملک بھی 18رنز بنا کر آوٴٹ ہو گئے ، 103رنز کے مجموعی سکور پر عمر اکمل جو کہ پاکستان کی جانب سے نمایاں سکورر رہے بھی 33رنز بنا کر آوٴٹ ہو گئے ، شاہد آفریدی صرف 8رنز بنا کر آوٴٹ ہو گئے ، میچ کی آخری بال پر دوسرا رن لیتے ہوئے صہیب مقصود بھی آوٴٹ ہو گئے انہوں نے 21رنز بنائے ، بھارت کی جانب سے امیت مشرا نے 2 جبکہ محمد شامی ، بھونیشور کمار ، روندرا جدیجا نے 1،1وکٹ حاصل کی۔