خراب کارکردگی نے یوراج سنگھ کی مسکراہٹ چھین لی
بدھ 9 اپریل 2014 13:21
ممبئی: ورلڈ ٹی 20 فائنل میں شکست کھانے والی بھارتی کرکٹ ٹیم خاموشی سے وطن واپس پہنچ گئی، خراب کارکردگی نے یوراج سنگھ کی مسکراہٹ چھین لی، شائقین کے جلے کٹے جملے بھی خاموشی سے سر جھکائے سنتے رہے۔ تفصیلات کے مطابق ممبئی وہی شہر ہے جہاں 7 برس قبل 2007 میں چیمپئن بننے کے بعد ٹیم آئی تو دھونی نے تاریخی جملہ ادا کیا تھاکہ ’ میں نے سنا ہے ممبئی کبھی کسی کے لیے نہیں رکتا مگر ہم نے اسے روک لیا ہے‘اس وقت بارش ہورہی تھی مگر وہ بھی شائقین کو اپنے ہیروز کا استقبال کرنے سے نہیں روک پائی تھی۔
اس بار بھی دھونی الیون نے فائنل کھیلا مگر شکست کی وجہ سے ایئرپورٹ پر کوئی انھیں پوچھنے نہیں آیا، ان کھلاڑیوں میں یوراج سنگھ بھی موجود تھے جنھیں شکست کا ذمہ دار قرار دیا جارہا ہے، انھوں نے فائنل میں 21 بالز پر صرف 11 رنز بنائے تھے جس کی وجہ سے وہ ولن بن چکے ہیں،7 برس قبل جب وہ ممبئی میں اترے تو اس وقت وہ ہیرو تھے،انھوں نے ایک میچ میں انگلینڈ کے اسٹورٹ براڈ کو 6 بالز پر مسلسل چھکے جڑے اور ٹیم کی ایونٹ میں کامیابی میں بھی اہم کردار ادا کیا تھا۔(جاری ہے)
جب وہ اپنے سامان کا انتظار کررہے تھے تو چند نوجوان شائقین ان کے گرد جمع ہوئے اور اپنے موبائلز سے تصاویر لینے لگے، فوراً وہاں کچھ سیکیورٹی اہلکار بھی پہنچے مگر انھوں نے ان شائقین کو ہٹانے کے بجائے خود بھی آل رائونڈر کے ساتھ تصاویر بنوانا شروع کردیں، کچھ دور کھڑے شائقین نے یوراج پر جملے بھی کسے مگر ماضی میں ایسی باتوں پر بھڑک اٹھنے والے آل رائونڈر اس بار خاموش کھڑے رہے شائد وہ بھی اپنی پرفارمنس پر شرمسار تھے۔
ڈھاکا سے وطن واپسی پر وہ جہاز میں بھی چپ چپ تھے، ان کے ساتھ بیٹھے روہت شرما نے انھیں ہنسانے کی کوشش کی مگر صرف ایک بار ہی یوراج کے چہرے پر ہلکی سی مسکراہٹ پھیلی، دوسری بار وہ اس وقت مسکرائے جب ایک صحافی نے ان سے کہا کہ اب آپ کو جلد سے جلد شادی کرلینی چاہیے جس پر آل رائونڈر نے مسکراتے ہوئے کہا کہ ’میری پریشانی میں اور اضافہ مت کرو‘۔متعلقہ عنوان :
مزید کھیلوں کی خبریں
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
-
بھارتی انتخابات: کانگریس کا ثانیہ مرزا کو حیدر آباد سے ٹکٹ جاری کرنے پر غور
-
ایشیا اوشیانا ورلڈ جونیئر ٹینس انڈر14 کوالیفائرز میں پاکستان نے اوزبکستان کو شکست دے کر کوارٹر فائنل میں جگہ بنالی
-
کپتان کی تبدیلی کی افواہیں، بابر اعظم کی چیئرمین پی سی بی محسن نقوی سے ملاقات
-
ممبئی انڈینز کے نئے کپتان پانڈیا کو شائقین کی جانب سے شدید تنقید کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.