وزیر اعلی خیبرپختونخوا کی سبزی منڈی اسلام آباد بم دھماکے کی شدید مذمت،پر امن ہوتے حالات میں پرہجوم عوامی مقام کو دہشت گردی کا نشانہ بنانا خطرے کی گھنٹی ہے ،پرویز خٹک
بدھ 9 اپریل 2014 19:58
پشاور(اُردو پوائنٹ اخبار تازہ ترین۔9اپریل۔2014ء) خیبرپختونخوا کے وزیر اعلی پرویز خٹک نے سبزی منڈی اسلام آباد میں بم دھماکے کی شدید مذمت کرتے ہوئے اسے ملک و قوم دشمن عناصر کی گھناؤنی اور انسانیت سوز کاروائی قرار دیا ہے جسکی نازک صورتحال کے مناظر میں ہنگامی بنیادوں پر اعلی سطحی تحقیقات اور تجزئیے کی ضرورت ہے ایک پیغام میں اُنہوں نے کہا کہ امن ہوتے حالات میں ہمارے ملکی صدرمقام اور پرہجوم عوامی مقام کو دہشت گردی کا نشانہ بنانا خطرے کی گھنٹی ہے جو ہمارے سیکورٹی بالخصوص انٹیلی جنس اداروں کیلئے بھی سوالیہ نشان بن گیا ہے جو تعداد میں بھی کم نہیں بلکہ زیادہ ہیں وزیراعلیٰ نے دہشت گردی کے اس واقعے میں شہید افراد کے درجات کی بلندی اور زخمیوں کی جلد صحت یابی کی دُعا کی اور اس دلخراش سانحے پر متاثرہ غمزدہ خاندانوں سے دلی ہمدردی اور یکجہتی کا اظہار کیا پرویز خٹک نے کہا کہ ملک کے کسی گوشے میں اور کہیں بھی دہشت گردی ہو ہمیں مغموم بنا دیتی ہے کیونکہ خیبر پختونخوا کے عوام اسی بلا کے ڈسے ہیں جس میں ہمارے شہریوں کی لازوال قربانیوں کے علاوہ ہماری معیشت بھی بری طرح متاثر ہوئی ہے تاہم اُنہوں نے کہا کہ دہشت گرد تمام تر نقصانات کے باوجودکبھی اپنے عزائم میں کامیاب نہیں ہو سکتے بلکہ ہمیشہ ناکام و نامراد رہتے ہیں پاکستانی قوم معصوم اور حق پر ہے اور فتح ہمیشہ حق کی ہوتی ہے اور پوری دُنیا کی تاریخ اس حقیقت کی گواہ ہے۔
متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.