پروفیشنل سکواش ایسوسی ایشن نے پاکستان میں بڑے ٹورمنٹس کے انعقاد پر لگائی گئی پابندی اٹھالی ، پاکستان میں انٹرنیشنل سکواش کی بحالی کاامکان روشن ہوگیا
منگل 15 اپریل 2014 22:10
اسلام آباد(اُردو پوائنٹ اخبار تازہ ترین۔15اپریل۔2014ء) پروفیشنل سکواش ایسوسی ایشن (پی ایس اے )نے پاکستان میں بڑے ٹورمنٹس کے انعقاد پر لگائی گئی پابندی اٹھالی ہے جس کے بعد پاکستان میں انٹرنیشنل سکواش کی بحالی کاامکان روشن ہوگیا ہے۔ پی ایس اے نے پاکستان کو 25ہزار ڈالر مالیت کا بڑا ٹورنامنٹ منعقد کرانے کی بھی اجازت دیدی ہے جس کے ساتھ ہی پی ایس اے کی جانب سے پاکستان کو سالانہ کی بنیاد پر مختص کئے جانیوالے ٹورنامنٹس کی تعداد پانچ ہوگئی ہے۔
اس سے قبل پی ایس اے کی جانب سے پاکستان کو پندرہ اور دس ہزار ڈالر کے دو، دو ٹورنامنٹس کرانے کی اجازت دی گئی تھی تاہم پاکستان سکواش فیڈریشن کی جانب سے پاکستان میں انٹرنیشنل سکواش کی بحالی کیلئے کی جانیوالی کوششوں کے نتیجے میں پی ایس اے نے 25ہزار ڈالر کا بڑا ٹورنامنٹ چھ سال کے انتظار کے بعد کرانے کی اجازت دی۔(جاری ہے)
اس حوالے سے مصحف علی میر سکواش کمپلیکس میں پریس کانفرنس سے خطاب کرتے ہوئے پاکستان سکواش فیڈریشن کے سینئر نائب صدر اور ایشیئن سکواش فیدریشن کے نائب صدر ایئر وائس مارشل سید رضی نواب نے پی ایس اے کی معاونت کا شکریہ اداکرتے ہوئے کہا کہ پاکستان میں بڑے بین الاقوامی ٹورنامنٹس کے انعقاد کی اجازت دینے پر پی ایس اے کے شکرگزار ہیں ۔
ہمیں خوشی ہے کہ پی ایس اے نے پاکستان کا اصولی موقف سنا اور یہ تاریخی فیصلہ دیا۔ انہوں نے کہا کہ یہ کامیابی ایئر چیف مارشل طاہر رفیق بٹ کی مسلسل رہنمائی کی بدولت ہے اور امید کرتے ہیں کہ آنیوالے وقتوں میں پاکستان ایئر فورس کی مدد کے ساتھ پاکستان سکواش میں اپنا کھویا ہوا مقام حاصل کرلے گا انہوں نے پاکستان سکواش فیڈریشن نے اپنی کوششوں سے پاکستان میں انٹرنیشنل سکواش کی بحالی کا ماحول پیدا کردیا ہے اب تمام ذمہ داری قومی سکواش کھلاڑیوں پر عائد ہوتی ہے کہ وہ اپنی کارکردگی سے دنیا میں پاکستان کا نہ صرف نام روشن کریں تاکہ پاکستان میں ایک لاکھ ڈالر مالیت سے زائد کے ٹورنامنٹس کے انعقاد کی بھی اجازت ملے ۔ ایک سوال کے جواب میں انہوں نے کہا کہ رواں برس اکتوبر میں پاکستان میں ہونیوالے 25ہزار ڈالر مالیت کے ٹورنامنٹ میں شرکت کرنے والے کھلاڑیوں کو مکمل سکیورٹی فراہم کی جائیگی ۔ پریس کانفرنس کے موقع پر پاکستان سکواش فیڈریشن کے سیکرٹری گروپ کیپٹن عامر نواز اور قومی کوچ جمشید گل بھی موجود تھے ۔متعلقہ عنوان :
مزید کھیلوں کی خبریں
-
عامر خان کاباکسنگ کے حوالے سے غیر سنجیدگی پر سوالات اٹھاتے ہوئے ملک میں باکسنگ کی دگرگوں حالت پر مایوسی کا اظہار
-
انگلش پریمیئر لیگ کے دلچسپ مقابلے جاری،27اپریل کو مزید 6 میچوں کا فیصلہ ہوگا
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.