ڈوبنے والے جہاز کے سوار مسافروں نے پیاروں کو دل دہلا دینے والے ٹیکسٹ پیغامات بھیجے
جمعہ 18 اپریل 2014 15:02
سیئول (اُردو پوائنٹ تازہ ترین اخبار۔ 18اپریل 2014ء) جنوبی کوریا میں غرقاب ہونے والے مسافر بردار جہاز نے جب ڈوبنا شروع کیا تو اس میں سوار مسافروں نے اپنے پیاروں کو دل دہلا دینے والے ٹیکسٹ پیغامات بھیجے۔میڈیا رپورٹ کے مطابق بد قسمت جہاز پر 476 افراد سوار تھے جن میں سے 300 کے قریب تاحال لاپتہ ہیں۔آخری لمحات میں جہاز میں پھنسے افراد کی جانب سے بھیجے جانے والے ٹیکسٹ پیغامات مقامی میڈیا پر نشر کیے گئے ہیں۔
جہاز میں سوار ایک طالب علم شن یوانگ جن نے اپنی والدہ کو پیغام بھیجا کہ ہو سکتا ہے کہ میرے پاس آپ کو یہ کہنے کے لیے آخری موقع ہو کہ میں آپ سے پیار کرتا ہوں۔ان کی والدہ کو بالکل اندازہ نہیں تھا کہ ان کے بیٹے کا جہاز ڈوب رہا ہے۔انھوں نے جواب میں اپنی بیٹے کو ٹیکسٹ پیغام بھیجاکہ بیٹے مجھے بھی تم سے پیار ہے۔
(جاری ہے)
مقامی میڈیا کے مطابق شن یوانگ بحری جہاز سے محفوظ مقام پر منتقل کیے جانے والے 179افراد میں شامل ہیں تاہم ابھی تک ایسے والدین بھی ہیں جنھیں اپنے بچوں کے ٹیکسٹ پیغامات ملے اور ابھی تک وہ لاپتہ ہیں۔
جہاز پر سوار ایک طالبہ نے اپنے والد کو یہ ٹیکسٹ پیغام بھیجا۔طالبہ نے کہاکہ والد آپ فکر نہ کریں میں نے جان بچانے والی جیکٹ پہن رکھی ہے اور میں دوسری لڑکیوں کے ساتھ ہوں۔والد نے جواب میں کہاکہ مجھے معلوم ہے کہ اس وقت امدادی کارروائیاں جاری ہیں، کیا تو باہر نکل کر تختے والی منزل پر انتظار نہیں سکتی؟ کوشش کرو کہ یہاں سے باہر نکل جاوٴ۔طالبہ نے کہاکہ جہاز بہت زیادہ جھک گیا ہے اور باہر نکلنے کے راستے میں بہت زیادہ لوگ ہیں۔اس کے علاوہ ایک طالب علم کے اپنے بڑے بھائی کو بھیجے جانے والے ٹیکسٹ پیغامات کو مقامی ذرائع ابلاغ میں نمایاں جگہ دی گئی ۔طالب علم نے کہاکہ جہاز کسی چیز سے ٹکرا گیا ہے اور سمندری محافظ ابھی ابھی پہنچے ہیں۔بھائی نے کہاکہ خوفزدہ نہ ہونا اور صرف وہی کرنا جو تم سے کرنے کیلئے کہا گیا ہے اور پھر سب ٹھیک ہو جائے گا اس کے بعد دونوں کے درمیان کوئی رابطہ نہیں ہو سکا۔
اس کے علاوہ کچھ والدین حادثے کے بعد اپنے بچوں کے ساتھ اس وقت تک موبائل فون پر رابطے میں رہے جب تک لائنیں منقطع نہیں ہو گئیں۔حادثے میں بچ جانے والے کم سانگ مک نے بتایا کہ پہلے بہت ہی بلند آواز سنائی دی اور اس کے بعد جہاز نے ایک جانب جھکنا شروع کر دیا۔ اس کے بعد لوگوں نے اوپر والے عرشے پر جانے کی کوشش شروع کی تاہم وہاں جانا مشکل تھا کیونکہ عرشہ جھک چکا تھا۔متعلقہ عنوان :
مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.