کراچی میں نادرا نے عدم تحفظ پر 3 مراکز بند کر دیئے
منگل 22 اپریل 2014 12:54
کراچی(اُردو پوائنٹ تازہ ترین اخبار۔ 22اپریل 2014ء) سندھ حکومت کی جانب سے حساس علاقوں میں نیشنل ڈیٹا بیس رجسٹریشن اتھارٹی (نادرا) کے رجسٹریشن مراکز میں تحفظ کے اقدامات نہ کیے جانے کے باعث صفورا گوٹھ ، لی مارکیٹ اور کیماڑی سینٹر بند ہوچکے ہیں، لانڈھی، کورنگی، اورنگی، بلدیہ ٹاؤن اور ملیر کے نادرا مراکز میں ناپسندیدہ عناصر تارکین وطن کے شناختی کارڈ بنوانے کیلیے عملے کو بدستور ہراساں کررہے ہیں۔
ناپسندیدہ عناصر کی مارپیٹ جھگڑے سے نادرا مراکز اکثر نان آپریشنل رہنے لگے، شہریوں کو شناختی کارڈ کے حصول میں مشکلات کا سامنا ہے، نادرا کی درخواست پر 2 سال سے صوبائی حکومت حساس علاقوں میں قائم مراکز پر پولیس تعینات نہیں کرسکی، ن لیگ کے رکن صوبائی اسمبلی ہمایوں خان کے تعاون سے کیماڑی میں نادرا مرکز کیلیے جگہ فراہم کی جارہی ہے ، تفصیلات کے مطابق سیاسی اور لسانی جماعتوں کی جانب سے بلدیہ ٹاؤن چاندنی چوک، پٹنی محلہ، اورنگی ٹاؤن نمبر 5 ، لانڈھی ، کورنگی، ملیر کے نادرا رجسٹریشن مراکز میں بدستور تارکین وطن کے شناختی کارڈ بنوانے کیلیے عملے کو ہراساں کیا جارہا ہے،کئی بار ناپسندیدہ عناصر نے عملے کو مارا پیٹا اور جان سے مارنے کی دھمکیاں دی ہیں،نادرا انتظامیہ نے کئی بار متعلقہ تھانوں میں شکایات درج کرائیں اور صوبائی حکومت سے درخواست کی کہ ان مراکز پر پولیس عملہ تعینات کیا جائے، صوبائی حکومت کے عدم تعاون کی وجہ سے نادرا کیماڑی، صفورا گوٹھ اور لی مارکیٹ کے مراکز پہلے ہی بند کرچکی ہے جبکہ دیگر مراکز کو بھی بند کرنے کا اصولی فیصلہ کرلیا گیا ہے، ذرائع کے مطابق بلدیہ ٹاؤن کے علاقے چاندنی چوک میں قائم مرکز ناپسندیدہ عناصر کی مسلسل مداخلت پر کچھ عرصے کیلیے بند کردیا گیا تھا۔
(جاری ہے)
تاہم علاقہ مکینوں کی درخواست پر اسے دوبارہ کھول دیا گیا، نادرا کے عملے کے مطابق ان حساس علاقوں میں جان ہتھیلی پر رکھ کر کام کرنے پر مجبور ہیں، اکثر سیاسی اور لسانی جماعتوں کے کارکن مراکز پر مسلح ہوکر حملہ آور ہوجاتے ہیں جس کے باعث مراکز عارضی طور پر بند کرنا پڑتے ہیں جس سے مقامی شہری شدید متاثر ہوتے ہیں، ہنگامہ آرائی کے باعث شہریوں کا پورا دن ضائع، درخواستوں کی وصولی اور شناختی کارڈ کا اجرا تاخیر کا شکار ہوجاتا ہے، ذرائع نے بتایا ہے کہ سیاسی اور لسانی جماعتوں کے کارکنوں نے افغان، بنگالی اور برمی تارکین وطن کے شناختی کارڈ بنوانے کے مختلف ریٹ مقرر کیے ہوئے ہیں، فی شناختی کارڈ 15سے 30 ہزار روپے میں بنوا کر دیا جاتا ہے، مسلم لیگ (ن) کے رکن صوبائی اسمبلی ہمایوں خان نے بتایا کہ کیماڑی میں نادرا رجسٹریشن مرکز کافی عرصے سے بند تھا جس سے علاقے کے مکین پریشان تھے، اب یہ سینٹر کیماڑی کے محفوظ مقام کے پی ٹی اسپتال کے نزدیک بنایا جارہا ہے، نادرا کی جانب سے عمارت میں تزئین وآرائش کا کام جاری ہے اور جلد ہی یہاں مرکز کھول دیا جائے گا، نادرا ذرائع کے مطابق جو شناختی کارڈ غیرقانونی یا نامکمل دستاویزات پر بنوائے گئے ہیں ان تمام شناختی کارڈوں کو نادرا ہیڈ کوارٹر کی جانب سے بلاک کردیا گیا ہے، نادرا کے ذرائع نے کہا ہے کہ اگر صوبائی حکومت نے حساس علاقوں میں قائم رجسٹریشن مراکز پر پولیس اہلکار تعینات نہ کیے تو ان مراکز کو بھی بند کرنے پر مجبور ہوجائیں گے۔
مزید اہم خبریں
-
صدرزرداری سینیٹ کا اجلاس کل جمعرات کی شام طلب کرلیا
-
سولر پینل بنانے والوں کو 10 سالہ مراعات دینے کی پالیسی تیار
-
نکاح نامے کے کالموں کو نامکمل چھوڑنے اور شک کی صورت میں اس کافائدہ بیوی کوپہنچے گا،سپریم کورٹ
-
اسپیکرقومی اسمبلی سردارایاز صادق سے پرتگال کے سفیر فریڈریکو پنہیرو دا سلوا کی ملاقات
-
افغان طالبان کی کامیابی سے متعلق بیان پر قائم ہوں، افغان طالبان نے جدوجہد سے استعماری طاقت کو شکست دی، وفاقی وزیردفاع خواجہ آصف
-
مختلف علاقوں میں زلزلے کے شدید جھٹکے
-
صدر مملکت آصف علی زرداری سے چائنہ انٹرنیشنل ڈویلپمنٹ کوآپریشن ایجنسی کے چیئرمین لوئو چائو ہوئی کی قیادت میں وفد کی ملاقات، پاکستان اور چین کے درمیان دوطرفہ تعلقات مزید بہتر بنانے کیلئے مل کر کام ..
-
ملک میں یکم مئی سے پیٹرولیم مصنوعات کی قیمتوں میں کمی کا امکان
-
وزیراعلیٰ سندھ نے وزیراعظم کو وفاق کی جانب سے سندھ کو نظرانداز کرنے کا شکوہ کر دیا
-
عمران خان اور پی ٹی آئی ایک حقیقت ہے ان کو مان لیں اور بات چیت کریں
-
کسان بورڈ پاکستان کا احتجاجی دھرنوں کا اعلان
-
آسٹریلوی کمپنیاں پاکستانی معیشت کے مختلف شعبوں میں سرمایہ کاری کریں،صدر مملکت آصف علی زرداری سے آسٹریلیا کے ہائی کمشنر نیل ہاکنز کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.