ٹی ٹوئنٹی کی کپتانی کی پیشکش مسترد کی: سعید اجمل،’میں ٹیم کا کپتان بننا چاہتا ہوں لیکن ہچکچاہٹ بھی ہے، پاکستان میں کپتانی آسان نہیں ہے‘ انٹرویو
جمعہ 30 مئی 2014 20:25
اسلام آباد(اُردو پوائنٹ اخبار تازہ ترین۔30مئی۔2014ء) پاکستان کرکٹ ٹیم کے مایہ ناز سپنر سعید اجمل کا کہنا ہے کہ انھوں نے ٹی ٹوئنٹی کی کپتانی کی پیشکش مسترد کی ہے۔کرک انفو کو دیے گئے ا نٹرویو میں انھوں نے کہا کہ وہ کرکٹ سکون سے کھیلنا چاہتے ہیں اور وہ سمجھتے ہیں کہ وہ بطور ایک کھلاڑی ٹیم کے لیے زیادہ فائدہ مند ہیں۔انھوں نے کہا کہ ان کی کپتانی کی پیشکش اپریل میں محمد حفیظ کے مستعفی ہونے کے بعد کی گئی تھی۔
’میں ٹیم کا کپتان بننا چاہتا ہوں لیکن ہچکچاہٹ بھی ہے۔ پاکستان میں کپتانی آسان نہیں ہے۔ جو کچھ بھی غلط ہوتا ہے اس کا سارا الزام کپتان ہی پر ڈال دیا جاتا ہے۔ آپ محمد حفیظ کی طرف دیکھیں۔ وہ اس سال ٹی ٹوئنٹی میں شکست کے بعد مستعفی ہوئے۔ کیوں؟‘ان کا کہنا تھا ’اس کی وجہ تھی کہ سارا ملبہ اس پر ڈال دیا گیا۔(جاری ہے)
مجھے کپتانی کی پیشکش ہوئی لیکن میں نے انکار کر دیا۔
میں سکون سے کرکٹ کھیلنا چاہتا ہوں۔‘محمد حفیظ کی جانب سے کپتانی سے مستعفی ہونے کے بعد سے پاکستان کرکٹ بورڈ ٹی ٹوئنٹی ٹیم کے لیے کپتان تلاش کر رہا ہے۔سعید اجمل نے کہا کہ مصباح الحق سابق کپتان عمران خان سے بھی اچھے کپتان ہیں۔ انھوں نے کہا کہ مصباح کو بھی بے جا تنقید کا نشانہ بنایا جا رہا ہے جبکہ ان کی پرفارمنس بہت اچھی ہے۔’جن حالات میں مصباح الحق کپتانی کر رہے ہیں وہ یہ کردار بخوبی نبھا رہے ہیں۔ میں کہوں گا کہ مصباح کی سروسز عمران خان سے بھی زیادہ ہیں۔‘انھوں نے مزید کہا ’تاہم مصباح کی خدمات کو سراہا نہیں جاتا۔ وہ بہت مشکل حالات میں پاکستانی ٹیم کے کپتان ہیں اور انھوں نے سب سے زیادہ رنز بھی سکور کیے ہیں۔‘سعید اجمل نے کہا کہ جب بھی میچ ہارتے ہیں لوگ مصباح الحق کے اچھے کاموں کو بھول جاتے ہیں اور ان کو ٹیم سے نکالنے کی بات کرتے ہیں۔’بطور بیٹسمین بھی ان پر تنقید کی جاتی ہے کہ وہ بہت آہستہ کھیلتے ہیں اور بہت ٹک ٹک کرتے ہیں۔یہ صحیح نہیں ہے۔ وہ محتاط بیٹسمین ہیں۔متعلقہ عنوان :
مزید کھیلوں کی خبریں
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
-
ریکارڈ ساز ایتھلیٹ یوسین بولٹ آئی سی سی ٹی20 ورلڈکپ کیلئے سفیر مقرر
-
قطر انٹرنیشنل جونیئر اسکواش چیمپئن شپ میں پاکستان کے عبداللہ زمان فائنل میں پہنچ گئے، ریان زمان سیمی فائنل ہار گئے
-
انڈین پریمیئر لیگ ،دہلی کیپٹلز نے سنسنی خیز مقابلے کے بعد گجرات ٹائٹنز کو4رنز سے ہرادیا
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
پاکستان اورویسٹ انڈیزکی ویمن کرکٹ ٹیموں کے درمیان پہلا ٹی ٹونٹی میچ (کل) کھیلا جائے گا
-
پاکستان ماسٹر ٹین پن بائولنگ چیمپئن شپ ناگزیر وجوہات کی بنا پر ملتوی
-
خاتون مداح کے 3 سیکنڈ گلے لگنے پر ایرانی فٹبالر پر پابندی عائد
-
ویسٹ انڈیزکیخلاف قومی ویمن ٹیم کی مایوس کن کارکردگی کا چیئرمین پی سی بی نے ایکشن لے لیا
-
بسمہ معروف کا کرکٹ سے فوری ریٹائرمنٹ کا اعلان
-
کھلاڑیوں کی انجریز کا ذمہ دار کاکول فٹنس کیمپ نہیں : بابر اعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.