سی آئی اے نے فیس بک اور ٹوئٹر پر اپنا اکاؤنٹ بنا لیا

ہفتہ 7 جون 2014 12:05

واشنگٹن(اُردو پوائنٹ تازہ ترین اخبار۔ 7جون 2014ء) امریکی خفیہ ایجنسی سی آئی اے نے سماجی ویب سائٹس فیس بک اور ٹوئٹر پر اپنا اکاؤنٹ بنا لیا ہے۔ عالمی رجحانات کے پیش نظر سی آئی اے نے باضابطہ طور پر فیس بک اور ٹوئٹر اکائونٹ بنا لیا ہےجس کا مقصد عوام کے ساتھ براہ راست بہتر رابطہ قائم کرناہے۔

(جاری ہے)

سی آئی اے کے ٹوئیٹر پرآتے ہی 90 منٹ سے بھی کم وقت میں 84 ہزار سے زائد فولورز ہوگئے جبکہ سی آئی اے کو فولو کرنے کی تعداد میں تیزی سے اضافہ ہورہا ہے ۔

سی آئی اے کے سربراہ جان برینن نے ایک بیان میں کہا ہے کہ ان پلیٹ فارمز کا حصہ بن کر ایجنسی عوام سے برارہ راست رابطہ جوڑ سکے گی اور ایجنسی کے مشن، تاریخ اور دیگرمعلومات فراہم کی جاسکے گی۔ اس سے قبل سی آئی اے کی ایک سرکاری ویب سائٹ کے علاوہ یوٹیوب اور فلیکر اکائونٹس بھی موجود ہیں۔