کلیئرنس آپریشن کے بعد کراچی ایئرپورٹ پروازوں کے لئے بحال

پیر 9 جون 2014 17:53

کراچی(اُردو پوائنٹ تازہ ترین اخبار۔ 9جون 2014ء) دہشت گردوں کے خلاف آپریشن مکمل ہونے پر فوج اور رینجرز کی کلیئرنس کے بعد جناح انٹرنیشنل ایئرپورٹ سے پروازوں کی آمدورفت شروع ہوگئی ہے ۔

(جاری ہے)

پاک فوج اور رینجرز کی جانب سے کلیئرنس آپریشن کے بعد ایئرپورٹ کا کنٹرول سول ایوی ایشن اور ایئرپورٹ سیکیورٹی فورس کے حوالے کردیا گیا جب کہ آپریشن مکمل ہونے پر ایئرپورٹ کو مسافروں کے لئے کھول دیا گیا اور فلائٹ آپریشن بھی بحال کردیا گیا۔

ایئرپورٹ کو مسافروں کے لئے کھولے جانے پر گزشتہ رات سے وہاں پھنسے مسافروں نے اطمینان کا اظہار کرتے ہوئے کہا کہ وہ رات سے شدید بے چینی کا شکار تھے تاہم اب فلائٹ آپریشن بحال ہونے پر ان کی مشکل حل ہوگئی۔

حملے کے بعد ایئرپورٹ کے داخلی اور خارجی راستوں پر سیکیورٹی انتہائی سخت کردی گئی ہے جب کہ اے ایف ایف اور سول ایوی ایشن کی جانب سے مسافروں کو سخت چیکنگ کے بعد ایئرپورٹ کی حدود میں داخل ہونے کی اجازت دی جارہی ہے۔

Facebook Twitter Google + Share on Whatsapp

کلیئرنس آپریشن کے بعد کراچی ایئرپورٹ پروازوں کے لئے بحال

متعلقہ عنوان :

مزید اہم خبریں