پاکستان نے شمالی وزیرستان آپریشن پر اعتماد میں نہیں لیا‘ امریکہ

پیر 16 جون 2014 13:16

واشنگٹن(اُردو پوائنٹ تازہ ترین اخبار۔ 16جون 2014ء) امریکا نے کہا ہے کہ پاکستان نے شمالی وزیرستان آپریشن پر اعتماد میں نہیں لیا۔ امریکی اخبار وال اسٹریٹ جنرل نے ایک امریکی دفاعی اہلکار کے حوالے سے بتایا کہ پنٹاگون پاکستانی فوج کی جانب سے شمالی وزیرستان میں شروع کیے جانے والے آپریشن کے فیصلے سے آگاہ نہیں تھا۔

(جاری ہے)

پنٹاگون کے پریس سیکرٹری ریئر ایڈمرل جان کربی کے مطابق کراچی ایئرپورٹ پر حالیہ حملہ اس بات کا واضح ثبوت ہے کہ پاکستان کو دہشت گردوں سے خطرات لاحق ہیں اور پاکستانی فوج اور حکومت ان خطرات سے بخوبی آگاہ ہیں اور اس کے خلاف کاروائی کررہے ہیں۔