لیہ میں 20 سالہ مغوی لڑکی کو قتل کے بعد لاش درخت سے لٹکا دی گئی

جمعہ 20 جون 2014 11:28

لیہ(اُردو پوائنٹ تازہ ترین اخبار۔ 20جون 2014ء) تحصیل چوبارہ کے علاقے نواں کوٹ سے گزشتہ روز اغوا کی گئی 20 سالہ لڑکی کو قتل کرنے کے بعد اس کی لاش درخت سے لٹکا دی گئی۔

(جاری ہے)

لیہ کی تحصیل چوبارہ کے علاقے نواں کوٹ کے رہائشی اللہ دتہ نے گزشتہ روز ایس ایچ او چوبارہ کو اطلاع دی کہ نامعلوم افراد ان کی 20 سالہ بیٹی مزملہ کو اغوا کر کے لے گئے جب کہ گھر میں موجود تالائی زیورات اور رقم بھی غائب ہے تاہم چوبارہ پولیس نے روایتی بے حسی کا مظاہر کرتے ہوئے لڑکی کی بازیابی کے لئے کوئی کاروائی نہ کی اور آج علی الصبح اہل علاقہ گھروں سے نکلے تو سڑک کنارے پٹرولنگ چیک پوسٹ سے چند گز کے فاصلے پر مزملہ کو مردہ حالت میں درخت کے ساتھ لٹکتے پایا۔

اہل علاقہ نے واقعہ کی اطلاع ایس ایچ او چوبارہ کو دی لیکن گھنٹوں گزر جانے کے بعد پولیس موقع پر نہ پہنچی۔ لاش تا حال درخت سے لٹکی ہوئی ہے۔

ایکسپریس نیوز کی خبر پر وزیر اعلیٰ پنجاب شہباز شریف نے نوٹس لیتے ہوئے ڈی پی او لیہ سے رپورٹ طلب کر لی ہے اور واقع میں ملوث لوگون کو سخت سزا دینے کا حکم جاری کیا۔

Facebook Twitter Google + Share on Whatsapp

لیہ میں 20 سالہ مغوی لڑکی کو قتل کے بعد لاش درخت سے لٹکا دی گئی

متعلقہ عنوان :

مزید اہم خبریں