ایران خفیہ طور پر عراق حکومت کو تعاون فراہم کر رہا ہے، نیو یارک ٹائمز، تہران حکومت عراق میں نگرانی کیلئے ڈرون طیارے استعمال کرنے کے علا وہ سنی شدت پسندوں کیخلاف عسکری ساز و سامان بھی فراہم کرر ہی ہے ، رپورٹ
جمعرات 26 جون 2014 14:04
نیو یا رک(اُردو پوائنٹ اخبار تازہ ترین۔26جون۔2014ء) ایران خفیہ طور پر عراق حکومت کو تعاون فراہم کر رہا ہے اور تہران حکومت عراق میں نگرانی کے لیے ڈرون طیارے استعمال کر رہی ہے جبکہ سنی شدت پسندوں کے خلاف عسکری ساز و سامان بھی فراہم کیا گیا ہے۔ امریکی اخبار نیو یارک ٹائمز کے مطابق دہشت گرد تنظیم اسلامک اسٹیٹ آف عراق اینڈ سیریا کے جنگجووٴں اور کمانڈروں کے مابین ہونے والی گفتگو سننے کے لیے ایران نے بغداد کے قریب فضائیہ کی الراشد نامی چھاوٴنی میں خفیہ مواصلاتی آلات بھی نصب کیے ہیں۔
نیو یارک ٹائمز نے اپنی آن لائن سائٹ پر مزید لکھا ہے کہ تہران حکومت نے ایک درجن سے زائد فوجی افسران بھی عراق روانہ کیے ہیں۔ اخبار نے مزید لکھا ہے کہ ایران کی قدس فورس کے تقریباً ایک درجن افسران کو مشاورت کے لیے عراق بھیجا گیا ہے۔(جاری ہے)
ساتھ ہی یہ افسران عراق کے جنوب میں ملکی شیعہ ملیشیا گروپوں کو متحرک کرنے میں بھی مدد فراہم کریں گے۔ نیو یارک ٹائمز کے مطابق ایرانی فوج کے جنرل قاسم سلیمانی نے حال ہی میں عراق کے دو دورے بھی کیے ہیں۔
اس کے علاوہ تہران حکومت روزانہ کی بنیادوں پر 70 ٹن فوجی ساز و سامان فضائی راستے سے عراق بھیج رہی ہے۔ ایک امریکی اہلکار نے اس تناظر میں اخبار کو بتایا، ”ضروری نہیں ہے کہ یہ بھاری اسلحہ ہی ہو لیکن یہ چھوٹے ہتھیار بھی نہیں ہیں“۔نیو یارک ٹائمز کے مطابق بغداد اور مقدس مقامات کو محفوظ رکھنے کے لیے ایران نے عراقی سرحد پر فوج کے دس ڈویڑنز اور قدس فورس کے دستوں کی بڑی تعداد کو بھی تعینات کر دیا ہے۔ یہ دستے کسی بھی ہنگامی صورتحال میں فوری کارروائی کر سکتے ہیں۔اس رپورٹ پر جب امریکی وزارت خارجہ کی ترجمان ماری ہارف سے پوچھا گیا تو انہوں نے کہا کہ وہ ان تفصیلات کی تصدیق نہیں کر سکتیں۔ تاہم انہوں نے کہا، ” کسی کو بھی کوئی ایسی حرکت نہیں کرنی چاہیے، جس سے خطے میں فرقہ واریت میں اضافہ ہو کیونکہ اس طرح عراق میں انتہا پسندی بڑھے گی“۔دو ہفتے قبل امریکا نے کہا تھا کہ ایران کو عراق کی مدد فرقہ بندی کو نظر انداز کرتے ہوئے کرنی چاہیے۔ ہارف نے مزید کہا کہ امریکا کو یقین ہے کہ عراق کے تنازعے میں ایران ایک تعمیری کردار ادا کر سکتا ہے۔مزید بین الاقوامی خبریں
-
بارشوں کا 75 سالہ ریکارڈ ٹوٹ جانے کے باوجود صرف 24 گھنٹوں میں متحدہ عرب امارات کے متاثرہ علاقے کلیئر ہو گئے
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.