ایوان صدر اوروزیراعظم ہاؤس کا روزانہ کا خرچہ 50 لاکھ روپے ہے، عمران خان

جمعہ 27 جون 2014 17:56

لاہور(اُردو پوائنٹ تازہ ترین اخبار۔7 2جون 2014ء) پاکستان تحریک انصاف کے چیرمین عمران خان نے کہا ہے کہ ہمارے حکمران اقتدار میں اس لئے آتے ہیں تاکہ وہ دولت بنا سکیں۔

(جاری ہے)

لاہور میں ایک تقریب سے خطاب کرتے ہوئے چیرمین تحریک انصاف عمران خان کا کہنا تھاکہ اقتدار کی ذمے داری سے انسانیت کو فائدہ پہنچایا جاسکتا ہے لیکن ہمارے حکمران اقتدار میں اس لئے آتے ہیں کہ وہ نہ صرف دولت بنا سکیں بلکہ اس میں مسلسل اضافہ کرتے رہیں، اگر صرف ایک چیز دیکھ لی جائے کہ اقتدار میں آنے سے پہلے حکمرانوں کے اثاثے کیا تھے اور اور آج کیا تو اس بات کا صاف پتہ چل جائے گا کہ ان کا مقصد کیا ہے۔

عمران خان نے کہاکہ بھوک وافلاس میں پاکستان کا دنیا میں چھٹا نمبر ہے جب کہ بھوک کی وجہ سے پیدا ہونے والی بیماری میں سب سے پہلے نمبر پرآتا ہے، ہماری اکثریتی آبادی غربت کی لکیر سے نیچے زندگی گزار رہی ہے لیکن ایوان صدر اور وزیراعظم ہاؤس کا روزانہ کا خرچہ لاکھوں روپے ہے، حکمرانوں کا رہن سہن انتہائی شرمناک ہے۔