بھارت نے 100 کروڑ کی لاگت سے تیار سیٹلائٹ راکٹ خلا میں چھوڑ دیا

پیر 30 جون 2014 12:03

نئی دلی(اُردو پوائنٹ تازہ ترین اخبار۔30جون 2014ء) بھارت نے راکٹ PSLV C-23 کے ذریعے 5 سیٹیلائٹ خلا میں چھوڑ دیئے۔ بھارتی شہر سری ہاریکوٹا میں سیٹیلائٹ خلا میں چھوڑنے کی تقریب منعقد ہو جس میں بھارتی وزیراعظم نریندرمودی نے شرکت کی ۔ اس موقع پر 230 ٹن وزنی راکٹ کے ذریعے سیٹیلائٹ خلا میں بھیجنے کے منظر کو بھارتی وزیراعظم نے خود دیکھا اور کامیابی پر سائنسدانوں کو مبارکباد دی۔

(جاری ہے)

100 کروڑ کی لاگت سے خلا میں بھیجا گیا سیٹیلائٹ بھارت کا 27واں پولر سیٹیلائٹ لانچ ہے۔

تقریب سے خطاب کرتے ہوئے بھارتی وزیراعظم کا کہنا تھا کہ بھارت کو اپنے خلائی پروگرام پر فخر ہے اور کامیاب خلائی آپریشن کے بعد عوام کی خواہش پوری ہوچکی ہے۔ انہوں نے کہا کہ حکومت نے کئی رکاوٹوں کے باوجود خلائی پروگرام کو جاری رکھا اورخلائی پروگرام کی لاگت ہالی ووڈ فلم گریوٹی سے بھی کم ہے۔