پاک فوج نے آپریشن ضرب عضب کے دوران طالبان کا میڈیا سیل پکڑ لیا

بدھ 2 جولائی 2014 22:47

راولپنڈی(اُردو پوائنٹ اخبار تازہ ترین۔2جولائی۔2014ء) پاک فوج نے شمالی وزیرستان میں آپریشن ضرب عضب کےدوران طالبان کا میڈیا سیل پکڑ لیا جس میں موجود بھاری مقدار میں دھماکا خیز مواد بھی قبضے میں لے لیا گیا ہے۔آئی ایس پی آر کے مطابق شمالی وزیرستان میں دہشت گردوں کے خلاف آپریشن ضرب عضب کامیابی سے جاری ہے اور فورسز دہشت گردوں کے ٹھکانوں پر تابڑ توڑ کارروائیوں میں مصروف ہیں۔

(جاری ہے)

شمالی وزیرستان میں پاک فوج کی تازہ کارروائی میں فورسز نے ایک ہوٹل میں قائم طالبان کا میڈیا سیل اور خودکش بمباروں کا ٹریننگ سینٹر بھی پکڑ لیا ہے جبکہ ہوٹل میں موجود کمپیوٹرائز نظام سے منسلک بارودی سرنگ کو بھی ناکارہ بنا دیا گیا ہے۔آئی ایس پی آر کا کہنا ہےکہ آپریشن کے دوران شمالی وزیرستان سے 3بارودی سرنگیں اور دھماکا خیز مواد بنانے والی فیکٹری بھی برآمد ہوئی ہے جبکہ علاقے میں اینٹی ٹینک سرنگوں کو بھی ناکارہ بنایا گیا ہے۔