اگر ریاستی ادارے ایک دوسرے کا احترام نہ کریں تو عدالت کو مداخلت کا اختیار ہے، جسٹس ناصرالملک
جمعہ 4 جولائی 2014 14:24
اسلام آباد(اُردو پوائنٹ تازہ ترین اخبار۔4جولائی 2014ء) چیف جسٹس آف پاکستان کے عہدے کے لئے نامزد جسٹس ناصر الملک نے کہا ہے کہ مقدمات کے التوا کا کلچر ختم کرنا ہوگا، اگر ریاستی ادارے آئین کی پاسداری نہیں کریں گے تو عدالت مداخلت کا اختیار رکھتی ہے۔ سپریم کورٹ میں سبکدوش ہونے والے چیف جسٹس تصدق حسین جیلانی کے اعزاز میں فل کورٹ ریفرنس سے خطاب کرتے ہوئے انہوں نے کہا کہ قانون کی پاسداری کے لئے اگر ریاستی ادارے آئین کی پاسداری نہیں کریں گے تو عدالت کو مداخلت کا اختیار ہے، آئین صرف الفاظ کا مجموعہ نہیں بلکہ قوم کی اجتماعی سوچ اور خواہشات کا عکاس ہے۔
انہوں نے کہا کہ آئین نےایگزیکٹوسمیت تمام اداروں کے حقوق اور اختیار متعین کردیئے ہیں، آئین میں ریاستی ستونوں کے اختیارات واضح ہیں اور ایگزیکٹو اور قانون سازوں کے غیر آئینی اقدامات کا جوڈیشل ریویو ہو سکتا ہے۔(جاری ہے)
جسٹس ناصرالملک کا کہنا تھا کہ گڈگورننس قانون پر عمل سےممکن ہے،اداروں کو ایک دوسرے کے امور میں مداخلت نہیں کرنی چاہیے اگر ریاستی ادارے ایک دوسرے کا احترام نہیں کریں گے تو ڈر ہے کہ عوامی حقوق متاثر ہوں گے جبکہ عوامی حقوق کے تحفظ کے لیے عدلیہ کا فعال کردار بہت اہمیت کا حامل ہے۔
اس موقع پر سبکدوش ہونے والے چیف جسٹس تصدق حسین جیلانی نے کہا کہ آئین کی بالادستی اس وقت ممکن ہے جب عدالت کو کام کرنے دیا جائے، عدلیہ پر قدغن لگانے کے دن بھی دیکھے اور بطور چیف جسٹس سپریم کورٹ میں چیلنجنگ اور ڈرامائی اتار چڑھاؤ دیکھا۔ انہوں نے کہا کہ 31 جولائی 2009 کے فیصلے پر نظرثانی کی درخواست کا فیصلہ ،بلدیاتی انتخابات اور حلقہ بندیوں کے قانون میں سقم دور کرنا سپریم کورٹ کے اہم اقدامات ہیں۔
جسٹس تصدق حسین جیلانی کا مزید کہنا تھا کہ آئین پاکستان دہری شہریت رکھنے والے پاکستانیوں کی بھی عزت کرتا ہے، بیرون ملک پاکستانیوں کے مسائل حل کرنے کے لئے از خود نوٹس لینا شروع کئے اور اسی وجہ سے اوورسیز پاکستانیز سیل قائم کیا جہاں بیرون ملک مقیم پاکستانیوں کی داد رسی کی جاتی ہے۔
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.