چند ہزار لوگ کروڑوں افراد کا مینڈیٹ تبدیل نہیں کرسکتے، وزیراعظم نواز شریف
منگل 15 جولائی 2014 12:52
اسلام آباد(اُردو پوائنٹ تازہ ترین اخبار۔15جولائی 2014ء) وزیراعظم نواز شریف نے کہا ہے کہ ملکی ترقی کے عمل میں کسی کو رکاوٹ ڈالنے کی اجازت نہیں دی جائے گی، چند ہزار لوگ کروڑوں افراد کا مینڈیٹ تبدیل نہیں کرسکتے۔ اسلام آباد میں ٹیکس ادا کرنے والوں کے اعزاز میں منعقدہ تقریب سے خطاب کرتے ہوئے وزیراعظم نواز شریف کا کہنا تھا کہ ملک میں بہتری کے آثار نظر آنا شروع ہوجائیں گے، زرمبادلہ کے ذخائر 14 ارب ڈالر تک پہنچ گئے جبکہ مالیاتی خسارہ کم ہوکر 4 فیصد رہ گیا اور ٹیکس کی وصولی میں 3 فیصد تک اضافہ ہوا، یوروبانڈز کیلئے توقع سے بڑھ کر 7 ارب ڈالر ز کی پیشکشیں وصول ہوئیں ضرورت کے تحت آئندہ بھی یوروبانڈ جاری کریں گے۔
وزیراعظم کا کہنا تھا کہ وسائل کی کمی کے باوجود لوڈشیڈنگ کے خاتمے کے لئے بجلی منصوبوں پر تیزی سے کام جاری ہے، وسائل اجازت نہیں دیتے کہ بڑے بڑے کارخانے خود لگائیں تاہم چین کے تعاون سے منصوبوں پر عمل پیرا ہیں اور خواہش مند افراد کو پیشکش کی ہے کہ چینی قرضے لے کر بجلی کے شعبے میں سرمایہ کاریں کریں۔
(جاری ہے)
انہوں نے کہا کہ کراچی میں پورٹ قاسم میں 1300 میگاواٹ کے 2 کارخانے لگ رہے ہیں۔
تھر میں 600 میگاواٹ کا کارخانہ لگے گا، جامشورو میں بھی 1300 میگاواٹ کوئلے سےچلنے والا منصوبہ لگایا جائے گا۔ توقع نہیں کرنی چاہئے کہ 6 ماہ میں بجلی ختم کردی جائے گی، پہلے بھی واضح کیا تھا کہ اپنی مدت میں بجلی بحران کو ختم کردیں گے۔اپنے خطاب کے دوران ملکی سیاسی صورتحال کا مختصر حوالہ دیتے ہوئے وزیراعظم کا کہنا تھا کہ 80 اور 90 کی دہائی کی سیاست کا وقت اب نہیں رہا لیکن بدقسمتی سے اب بھی اسی طرز کی سیاست کی جارہی ہے،ملک میں منفی سیاست کی کوئی گنجائش نہیں، قوم نے ہمیں مینڈیٹ دیا اور اب کام کرنے دیا جائے۔
وزیراعظم نے کہا کہ ہم نے کبھی کسی حکومت کا تختہ الٹنے کی کوشش نہیں کی، ججز بحالی تحریک میں اگر ہمارا تخریبی ایجنڈا ہوتا تو گوجرانوالہ سے اسلام آباد جاتے لیکن ججز کی بحالی کے بعد یہ نوبت پیش نہیں آئی۔متعلقہ عنوان :
مزید اہم خبریں
-
ایران پر اسرائیل کے حملے اور دھماکوں کے بعد پروازیں معطل
-
سٹاک مارکیٹ میں اضافہ غیر ملکی خریداروں کا بڑھتا ہوا رحجان ہے،محمد اورنگزیب
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
ایران : اصفہان میں دھماکوں کی آوازیں اسرائیل کا ایران پر’ ’میزائل حملہ“ کرنے کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
-
غیر ملکیوں کی گاڑی پر حملہ، دہشتگرد حملہ آور پیدل چل کر گاڑی تک پہنچے،ڈی آئی جی ایسٹ اظفر مہیسر
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.