نجکاری کمیشن میں بولی لگانے کا عمل شفاف نہیں،ٹرانسپیرنسی انٹرنیشنل
ہفتہ 2 اگست 2014 14:57
اسلام آباد(اُردو پوائنٹ اخبار تازہ ترین۔2اگست۔2014ء) ٹرانسپیرنسی انٹرنیشنل پاکستان (ٹی آئی پی)نے کہاہے کہ نجکاری کمیشن کے بولی لگانے کا عمل شفاف نہیں ہے ، حیدرموٹا،بی این آر کو مختلف مشترکہ سودوں کے ساتھ کئی منصوبوں میں مالیاتی مشاورتی خدمات کی فراہمی کے لیے ناجائز طرفداری کی گئی ہے۔پی آئی اے کے معاملے میں حیدرموٹا بی این آر نے دو مشترکہ سودوں کے ساتھ مالیاتی مشاورت کی خریداری کے لیے بولی کے عمل میں حصہ لیا۔
اس کے علاوہ نجکاری کمیشن کے چیئرمین محمد زبیر کو تحریر کیے گئے ایک خط میں ٹرانسپیرنسی انٹرنیشنل پاکستان کے چیئرمین سہیل مظفر نے کہا کہ فیسکو میں دو مشترکہ سودوں کے ساتھ جبکہ نیشنل پاور کنسٹرکشن کمپنی(این پی سی سی)میں تین مشترکہ سودوں کے ساتھ بولی لگائی۔(جاری ہے)
ٹرانسپیرنسی انٹرنیشنل نے الزام لگایا کہ حیدر موٹا بی این آر کی جانب سے مسلسل پی پی آر اے کے قوانین کی خلاف ورزی کی گئی ہے اور مختلف مشترکہ سودوں میں ایک سے زیادہ بولی جمع کرائی گئی ہے۔
نجکاری کمیشن کے چیئرمین محمد زبیر کو تحریر کیے گئے ایک خط میں ٹرانسپیرنسی انٹرنیشنل پاکستان کے چیئرمین سہیل مظفر نے کہا کہ نجکاری کمیشن کی جانب سے اس کمپنی کو روکنا چاہیے، اس لیے کہ پبلک پروکیورمنٹ رولز 2004 کے تحت بولی لگانے کی دستاویزات کا معیار اس بات کی اجازت نہیں دیتا کہ بولی لگانے والا ایک سے زیادہ مشترکہ سودوں میں حصہ لے۔ٹرانسپیرنسی انٹرنیشنل کے چیئرمین کے مطابق دونوں مشترکہ سودے پی پی آر اے کے قوانین کے مطابق نااہل قرار پاتے ہیں، اور اس میں حصہ لینے کے ساتھ ساتھ نجکاری کمیشن کے مستقبل کے منصوبوں میں حصہ لینے کی اجازت نہیں دی جانی چاہیے۔انہوں نے کہا کہ نجکاری کمیشن کی جانب سے مالیاتی مشاورت کی خدمات کی تقرری میں پی پی آر اے کے قوانین کی خلاف ورزی سے پہلے ہی نجکاری کے پورے عمل کو غیر شفاف بنادیا ہے، جیسا کہ چار منصوبوں میں قوانین کی خلاف ورزی کرتے ہوئے ایک بولی لگانے والے کو نوازا گیا تھا۔سہیل مظفر کا کہنا تھا کہ اس سے اشارہ ملتا ہے کہ تمام مشترکہ سودوں میں تمام شراکت دار تمام شراکت داروں سے عہد کرچکے ہیں کہ وہ مشترکہ اور علیحدہ کارکردگی کے ذمہ دار ہوں گے۔ دو مشترکہ منصوبوں میں ایک ہی فرم کی موجودگی سے بھی مفادات کے تصادم اور گٹھ جوڑ کے مترادف ہے۔ٹرانسپیرنسی انٹرنیشنل نے نجکاری کمیشن پر زور دیا کہ ایسے تمام منصوبوں کو ختم کردے اور مشیروں کی تقرری کے عمل کو شفاف طریقے سے دوبارہ شروع کرے۔متعلقہ عنوان :
مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.