حکومت جتنی رکاوٹیں کھڑی کرلے اسلام آباد آنے سے کوئی نہیں روک سکتا، چوہدری شجاعت

جمعرات 14 اگست 2014 23:07

لاہور(اُردو پوائنٹ اخبار تازہ ترین۔14اگست۔2014ء) مسلم لیگ (ق) کے صدر چوہدری شجاعت حسین کا کہنا ہے کہ حکومت چاہے جتنی رکاوٹیں کھڑی کرلے لیکن مارچ کو اسلام آباد آنے سے کوئی نہیں روک سکتا۔نجی ٹی وی سے خصوصی گفتگو کرتے ہوئے چوہدری شجاعت حسین نے کہا کہ ہمارے وہی مطالبات ہیں جو طاہرالقادری نے پیش کیے ہیں اور ہم ان کی طرف سے پیش کیے گئے 10 نکاتی ایجنڈے کی مکمل حمایت کرتے ہیں اوراسی کو منوانے کے لیے کارکنوں سمیت اسلام آباد پہنچیں گے۔

(جاری ہے)

انہوں نے کہا کہ آزادی اور انقلاب مارچ اکٹھے چل رہے ہیں، حکومت چاہے جتنے کنٹینرز رکھ لے اور رکاوٹیں بنالے ہمارے لوگوں کو راستے بنانا آتے ہیں ہمیں اسلام آباد آنے سے کوئی نہیں روک سکتا۔چوہدری شجاعت کا کہنا تھا کہ طاہرالقادری اور حکومت کے درمیان کوئی معاہدہ نہیں ہوا جس کے تحت انہیں مارچ کرنے کی اجازت دی گئی ہو بلکہ حکومت نے عوامی دباؤ میں آکر مارچ کی اجازت دی،حکومت نے مارچ سمیت ہمیں بھی کوئی سکیورٹی نہیں دی بلکہ بحیثیت سابق وزیراعظم مجھے ملنے والی سکیورٹی کو بھی واپس لے لیا گیا ہے۔ ان کا کہنا تھا کہ انقلاب مارچ مکمل طورپر پرامن رہے گا اور ہماری طرف سے کوئی غیر قانونی وغیر آئینی کام نہیں کیا جائے گا۔

Facebook Twitter Google + Share on Whatsapp

حکومت جتنی رکاوٹیں کھڑی کرلے اسلام آباد آنے سے کوئی نہیں روک سکتا، چوہدری شجاعت

متعلقہ عنوان :

مزید اہم خبریں