پنجاب بلوچستان سرحدی علاقے پر دو گروپوں میں تصادم سے 7افراد ہلاک، متعدد زخمی

ہفتہ 16 اگست 2014 11:52

راجن پور(اُردو پوائنٹ تازہ ترین اخبار۔ 16اگست 2014ء) پنجاب اور بلوچستان کے سرحدی علاقے پر پانی کے تنازع پر دو گروپوں کے درمیان تصادم کے نتیجے میں 7 افراد ہلاک جبکہ متعدد زخمی ہوگئے۔ پنجاب اور بلوچستان کی سنگم پر بگٹی قبیلے کے دو گروپوں میں تنازع کا آغاز بارش کے پانی کے ذخیرے پر شروع ہوا جس نے دیکھتے ہی دیکھتے خونی شکل اختیار کرلی۔

(جاری ہے)

دونوں گروپ نے مورچہ بند ہوکر ایک دوسرے پر جدید ہتھیاروں سے فائرنگ شروع کردی۔ فائرنگ کے نتیجے میں 7 افراد ہلاک جبکہ کئی زخمی ہوگئے.

تصادم کو روکنے اور امن و امان کی بحالی کے لئے قبائلی عمائدین اور مقامی حکام نے رابطوں کا آغاز کردیا ہے جس کی وجہ سے فائرنگ کا سلسلہ رک گیا ہے تاہم دونوں گروپوں کے مسلح افراد اب بھی مورچہ بند ہیں۔