امریکی باکس آفس پر سپر ہیروز نے ”ننجا ٹرٹلز“ کو پیچھے دھکیل دیا

نیویارک(اُردو پوائنٹ اخبار تازہ ترین۔25اگست۔2014ء)امریکی باکس آفس پر سپر ہیروز نے ننجا ٹرٹلز کو پیچھے دھکیل دیا ہے۔ دی گارڈینز آف گلیکسی نے اس ہفتے پونے دو کروڑ ڈالر کما کر پہلے نمبر پر آگئی۔تین ہفتوں سے نارتھ امریکن باکس آفس پر مارول کامکس کے سپر ہیروز پر مبنی فلم’دی گارڈینز آف گلیکسی‘ اور مقبول کارٹون کرداروں سے سجی فلم ’ننجا ٹرٹلز ‘میں سخت مقابلہ جاری تھا۔

(جاری ہے)

فلم میں انسانوں اور ایلینز کی کہانی دکھائی گئی ہے۔جس میں مشہور کامکس سوپر ہیروز کائنات کے دشمنوں کا مقابلہ کر رہے ہیں۔ننجا ٹرٹلز پرمبنی فلم ’ٹین ایج میوٹنٹ ننجا ٹرٹلز‘1 کروڑ 68 لاکھ ڈالر کا بزنس کر کے اس ہفتے دوسرے نمبر پر رہی۔فلم میں پیزا کے شوقین چاروں ننجا ٹرٹلز نیویارک میں برائی کے خاتمے میں مصروف ہیں اور انہیں ساتھ حاصل ہے ایک نیوز رپورٹر کا جس کا کردار معروف ہالی وڈ اداکارہ میگن فاکس نبھا رہی ہیں۔تیسرے نمبر اس ہفتے ریلیز ہونے والی فلم ’اف آئی اسٹے‘(If I Stay ) رہی۔ ناول پر مبنی ڈرامائی فلم نے اس ہفتے 1 کروڑ 64 لاکھ ڈالر بٹورے۔