پارلیمنٹ اورعدالت عظمیٰ آنے والی سڑک کل تک آمدورفت کےلئے کلیئر کرائی جائے، سپریم کورٹ
بدھ 27 اگست 2014 11:35
اسلام آباد(اُردو پوائنٹ تازہ ترین اخبار۔7 2اگست 2014ء) سپریم کورٹ نے شاہراہ دستور پر پارلیمنٹ اور عدالت عظمٰی کی جانب آنے والے راستے کو کل تک آمدورفت کے لئے مکمل طور پر کلیئر کرنے کا حکم دے دیا۔ چیف جسٹس پاکستان جسٹس ناصر الملک کی سربراہی میں 5 رکنی بینچ نے ممکنہ ماورائے آئین اقدام سے متعلق کیس کی سماعت کی۔ سماعت کے دوران اٹارنی جنرل نے دھرنوں سے متعلق حکومتی جواب داخل کرایا۔
جسٹس ثاقب نثار نے ریمارکس دیئے کہ سیاسی گند عدالت میں نہ لایا جائے، شاہراہ دستور پر انفرادی طور پر لوگوں کو روکا جارہا ہے۔ جس پر پاکستان عوامی تحریک کے وکیل علی ظفر ایڈووکیٹ نے کہا کہ کسی کو شاہراہ دستور پرروکا گیا تو یہ انفرادی معاملہ ہے، ہماری قیادت تقریر کرتی ہے تو لوگ بہت مشتعل ہوتے ہیں ایسے میں لوگوں کو سنبھالنا مشکل ہوتا ہے۔(جاری ہے)
جسٹس جواد ایس خواجہ نے پاکستان عوامی تحریک کے وکیل علی ظفر ایڈووکیٹ سے کہا کہ اگر مجمع پر ان کے قائدین کا کنٹرول نہیں بتادیں، آئین کی پاسداری نہیں ہو رہی ہے اور انارکی پھیل گئی ہے۔
ہمارا کام آئین کے مطابق تیزی سے انصاف دینا ہے، ہمیں تو سپریم کورٹ پہنچنے تک ہی کئی رکاوٹوں سے گزرنا پڑتا ہے۔ جس پر علی ظفر ایڈووکیٹ نے کہا کہ ماڈل ٹاؤن میں 14 بے گناہ لوگوں کو قتل کیا گیا، پاکستان عوامی تحریک کی قیادت عوام کی آواز بنی ہے۔ سانحہ ماڈل ٹاؤن کے لواحقین جس تکلیف سے گزر رہے ہیں وہ اس سے بہت کم ہیں جو لوگ برداشت کررہے ہیں۔ پاکستان عوامی تحریک کی قیادت نے یقین دہانی کرائی ہے کہ شاہراہ دستور پر ٹریفک کی روانی کو یقینی بنائیں گے۔ علی ظفر ایڈووکیٹ کی دلیل پر چیف جسٹس امیر الملک نے ریمارکس دیئے کہ سانحہ ماڈل ٹاؤن لاہور ہائیکورٹ میں زیر سماعت ہے،اس معاملے میں نہیں پڑرہے۔ جسٹس آصف سعید کھوسہ نے ریمارکس دیئے کہ معاملہ شاہراہ دستور کا نہیں بلکہ دستور کا ہے، ہڈیوں کا ڈاکٹر4 مرتبہ دماغ کی سرجری کرچکا ،اسے پانچویں مرتبہ ایسا کرنے سے روکا جائے۔عدالت نے عبوری حکم میں کہا کہ سیاسی جماعتوں کے ڈنڈا بردار کارکن وکلااور شہریوں کی جامع تلاشی لے رہے ہیں، پارلیمنٹ اور سپریم کورٹ کو آنے والا راستہ کل تک مکمل طور پر گاڑیوں اور افراد کی آمدورفت کے لئے کلیئر کرایا جائے۔ اٹارنی جنرل ، دونوں جماعتوں کے وکلا اور رجسٹرار سپریم کورٹ اس کا جائزہ لیں اور کل رپورٹ پیش کریں۔ کیس کی مزید سماعت اب کل ہوگی۔
متعلقہ عنوان :
مزید اہم خبریں
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
پی آئی اے خرید لو، بین الاقوامی مارکیٹ میں عنقریب اشتہار ات شائع ہونے کو تیار
-
جنوبی افریقہ: بس حادثے میں درجنوں افراد ہلاک
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.