وزیراعظم، وزیراعلیٰ، وزرا تفتیش میں پیشی سے مستثنیٰ ہونگے
جمعہ 29 اگست 2014 14:40
لاہور(اُردو پوائنٹ تازہ ترین اخبار۔9 2اگست 2014ء) وزیراعظم نواز شریف، وزیراعلیٰ پنجاب شہباز شریف سمیت دیگر 21افراد کے خلاف مقدمہ کی تفتیش آج انویسٹی گیشن انچارج کے سپرد کی جائے گی۔ انویسٹی گیشن انچارج آج اپنی پہلی ضمنی لکھے گا اس میں مقدمہ کے اندارج مختصر حالات اور وقوعہ کے بارے میں لکھا جائے گا۔ اس کے بعد وہ اپنے نوٹ میں لکھے گا کہ کیونکہ ایف آئی آر میں اعلیٰ افسران نامزد ہیں اس لیے وہ یہ تفتیش نہیں کرسکتا، تفتیش سرکل افسر کے پاس آئے گی اور وہ بھی یہی تحریر کرے گا، اس کے بعد تفتیش ڈی آئی جی انویسٹی گیشن، ایڈیشنل آئی جی جو کہ سی سی پی او لاہور کے پاس جائے گی جو اس کو کسی ایس پی یا پھر اس سے اوپر رینک کے افسر یا پھر کرائم برانچ میں ٹرانسفر کریں گے جہاں باقاعدہ تفتیش شروع ہوگی، مقدمہ میں وزیر اعظم، وزیراعلی، ارکان اسمبلی کو نامزد کیا گیا ہے جن کو قانون کے مطابق استثنیٰ حاصل ہوگا کہ وہ خود شامل تفتیش نہ ہوں، وہ اپنا بیان وکیل کے ذریعے تفتیشی افسر کو بھجوا سکتے ہیں جبکہ پولیس افسران کو خود شامل تفتیش ہونا پڑے گا، دوسری طرف بتایا گیا ہے کہ عام حالات میں کوئی قتل ہو تو دہشت گردی کی دفعات نہیں لگائی جاتیں۔
(جاری ہے)
آج تک ایسے مقدمات میں دہشتگردی کی دفعات صرف مقدمہ کو مضبوط کرنے اور ملزمان کو ڈرانے دھمکانے کیلیے لگائی گئیں جنھیں عدالت نے ختم کردیا، پولیس ذرائع کے مطابق دفعہ155سی جلد بازی میں لگائی گئی، یہ دفعہ صرف انکوائری ہونے کے بعد قصور وار پائے جانے پر لگائی جاتی ہے جبکہ جس مقدمہ کی ابھی انکوئری شروع ہی نہیں ہوئی اس میں یہ دفعہ کیسے لگی، پولیس ذرائع کا کہنا ہے کہ تفتیش اور فوٹیج کے دوران فائرنگ کرتے نظر آنے والے تمام افسران ٹرائل کے بعد بری ہوجائیں گے کیونکہ اس بات کا تعین نہیں کیا جا سکے گا کہ کس کا فائر کس کو لگا ہے اور کونسی گولی کس گن سے چلی اور اس سے کوئی ہلاکت بھی ہوئی کہ نہیں، قانون ثبوت مانگتا ہے اور یہ ثبوت تاحال نہیں مل سکے، تفتیش کے آخر تک دونوں پارٹیوں میں صلح بھی ہوسکتی ہے کیونکہ دونوں اطراف سے مقدمات درج ہیں جس میں دونوں پارٹیوں کے افراد ملزمان ہیں، دونوں پارٹیوں کو تفتیش کا سامنا کرنا پڑے گا اور آخر کار خون بہا اداکرکے مقدمہ خارج کیا جائے گا۔
متعلقہ عنوان :
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.