چوہدری نثار نے جس طرح وزیراعظم کی پیٹھ پر چھرا گھونپا اس کی مثال نہیں ملتی، خورشید شاہ
جمعہ 5 ستمبر 2014 12:23
اسلام آباد(اُردو پوائنٹ اخبار تازہ ترین۔5ستمبر 2014ء) قومی اسمبلی میں قائد حزب اختلاف خورشید شاہ نے وزیراعظم نواز شریف سے کہا ہے کہ تاریخ میں یہ بات نئی نہیں کہ آپ کی صفوں میں غدار پیدا ہو جائیں، وزیر داخلہ چوہدری نثار نے جس طرح آپ کی پیٹھ پر چھرا گھونپا تاریخ میں اس کی مثال نہیں ملتی۔ پارلیمنٹ کے مشترکہ اجلاس میں اظہار خیال کرتے ہوئے خورشید شاہ کا کہنا تھا کہ سارا ایوان وزیراعظم نواز شریف کے ساتھ کھڑا تھا لیکن پارلیمنٹ کے مشترکہ اجلاس کو جان بوجھ کر سبوتاژ کرنے کی کوشش کی گئی، یہ سازش آج سے نہیں بلکہ گزشتہ 6 ماہ سے چل رہی تھی۔
ان کا کہنا تھا کہ میاں صاحب آپ کی صفوں میں پورس کے ہاتھی موجود ہیں، جس طرح سے چوہدری نثار نے آپ کی پیٹھ پر چھرا گھونپا اس کی مثال نہیں ملتی، آپ کے خلاف مری ہوئی طاقت کو زندہ کیا گیا ہے، لوگ اس پارلیمنٹ کی طرف دیکھ رہے تھے کہ یہاں سے کوئی اچھی خبر ملے لیکن آپ کے ایک سینئر وزیر نے ہمارے اہم رکن کے خلاف بیان دے کر آپ کو کمزور کرنے کی سازش کی اور آپ کو دوراہے پر کھڑا کردیا ہے۔(جاری ہے)
خورشید شاہ
کا کہنا تھا کہ ٹیپو سلطان جیسا عظیم اور نڈر سپہ سالار جس نے انگریزوں کو ناک رگڑنے پر مجبور کیا لیکن اس عظیم سپہ سالار کو بھی میر جعفر اور میر صادق جیسے آستین کے سانپوں نے ختم کرادیا، وزیراعظم صاحب آج آپ کو بھی یہ دیکھنا ہوگا کہ کون آپ کا محسن اور کون دشمن ہے۔ حکومت کے ایک سینیئر ترین وزیر کی جانب سے اپوزیشن کے ایک اہم رکن پر تنقید کر کے نہ صرف ہماری بلکہ پوری پارلیمنٹ کی توہین کی جس پر ہم اس کی پر زور مذمت کرتے ہیں کیونکہ آج ہم پارلیمنٹ اور جمہوریت کو مظبوط کرنا چاہتے ہیں۔ انہوں نے کہاکہ آج کوئی بھی سازشی اپنی ایک سوئی بھی نہیں گزار سکتا اور اس پر پاکستان کی عوام کو فخر ہے، ہماری جمہوریت کو مضبوط کرنے کی کوشش کو ہماری کمزوری نہ سمجھا جائے۔متعلقہ عنوان :
مزید اہم خبریں
-
گزشتہ سال اٹھائیس کروڑ سے زائد افراد شدید بھوک کا شکار ہوئے
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
معروف ایرانی ریپر توماج صالحی کو سزائے موت سنا دی گئی
-
حکومت اور اپوزیشن اراکین میں قائمہ کمیٹیوں کی تقسیم کا فارمولا تیار
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.