محکمہ موسمیات کی بارشوں کےسلسلےمیں بتدریج کم ہونیکی پیشگوئی
ہفتہ 6 ستمبر 2014 13:11
اسلام آباد(اُردو پوائنٹ اخبار تازہ ترین۔6ستمبر 2014ء) محکمہ موسمیات نے متاثرین سیلاب کیلئے اچھی خبر دی ہے کہ طوفانی بارش میں کمی آچکی ہے اور یہ سلسلہ اگلے چوبیس گھنٹے کے دوران بتدریج کم ہو کر ختم ہو جائے گا۔ محکمہ موسمیات کے مطابق اس وقت ملک کے بیشتر علاقوں میں مطلع صاف، جب کہ بالائی علاقوں میں کہیں کہیں ابر آلود ہے۔ ملک کے بالائی علاقوں اور پنجاب کے شمال مشرقی حصوں میں تین روز سے جاری شدید بارشوں کے سلسلے میں کمی آ چکی ہے اور آئندہ چوبیس گھنٹے کے دوران یہ سلسلہ بتدریج کم ہو کر ختم ہو جائے گا۔
آئندہ چوبیس گھنٹے کے دوران ملک کے اکثر علاقوں میں موسم خشک اور مطلع صاف رہنے کا امکان ہے اس دوران راول پنڈی ،گوجرانوالہ، ہزارہ، لاہور، ڈی جی خان، ملتان ڈویژن، گلگت بلتستان اور کشمیر میں چند مقامات پر گرج چمک کے ساتھ مزید بارش کی توقع ہے۔
(جاری ہے)
اس وقت دریاﺅں میں مختلف مقامات پر پانی کے بہاﺅ کی تازہ ترین صورت حال کچھ اس طرح ہے۔
دریائے جہلم میں منگلا کے مقام پر پانی کی آمد ایک لاکھ چالیس ہزار کیوسک اور اخراج ایک لاکھ تیس ہزار کیوسک ہے۔ دریائے چناب میں رسول کے مقام پر پانی کی آمد اور اخراج تین لاکھ اکانوے ہزار کیوسک ہے۔ دریائے چناب میں مرالہ کے مقام پر پانی کی آمد تین لاکھ ، تئیس ہزار، اخراج تین لاکھ بتیس ہزار ، خانکی میں آمد اور اخراج چھ لاکھ ساٹھ ہزار، قادرآباد میں آمد چھ لاکھ پچپن ہزار، جب کہ اخراج چھ لاکھ انچاس ہزار کیوسک ہے۔
تین دن میں سب سے زیادہ بارش لاہور میں چار سو اٹھانوے ،سیالکوٹ چار سو بہتر، راولاکوٹ چار سو چونسٹھ ،کوٹلی چار سو دس، منگلا تین سو تینتیس، راول پنڈی تین سو دو اور اسلام آباد میں تین سو اٹھائیس ملی میٹر ریکارڈ کی گئی۔ گزشتہ روز ملک میں سب سے زیادہ درجہ حرارت تربت میں بیالیس ڈگری سینٹی گریڈ ریکارڈ کیا گیا
مزید موسم کی خبریں
-
لاہور میں سورج کی تپش سے گرمی کا زور بڑھ گیا
-
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
-
محکمہ موسمیات خیبرپختونخوا کی آئندہ ہفتے بارشوں اور برفباری کی پیشن گوئی
-
کراچی میں سردی کی لہر برقرار، درجہ حرارت 10ڈگری سینٹی گریڈ ریکارڈ
-
لاہور سمیت پنجاب کے مختلف علاقوں میں ہلکی بارش سے موسم خوشگوار
-
محکمہ موسمیات کی آئندہ ہفتہ شہر لاہور میں بارش کی پیش گوئی
-
25 فروری کو آنے والے سسٹم کے زیراثرکراچی میں بھی بارش کا امکان
-
ملک کے بالائی، وسطی علاقوں میں 17 سے 21 فروری تک بارشوں کی پیشگوئی
-
لاہور سمیت پنجاب بھر میں موسلادھار بارش سے سردی میں اضافہ
-
31جنوری سے 4فروری تک بارش اورپہاڑوں پر برف باری پیشگوئی
-
ہفتہ کے روز سے ملک کے بیشتر علاقوں میں بارش کی توقع
-
کراچی دنیا کے آلودہ ترین شہروں میں سرفہرست، ایئرکوالٹی انڈیکس 241ریکارڈ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.