اسٹیبلشمٹ مدد کرے تو متحدہ حکومت میں آ سکتی ہے: الطاف حسین
بدھ 17 ستمبر 2014 22:59
لندن/ حیدر آباد(اُردو پوائنٹ اخبار تازہ ترین۔17ستمبر۔2014ء) متحدہ قومی موومنٹ کے قائد الطاف حسین نے کہا ہے کہ معلوم نہیں سٹیبلشمنٹ ایم کیو ایم سے ناراض کیوں ہے؟، مدد کرے تو متحدہ اقتدار میں آ سکتی ہے۔ ان کا کہنا ہے کہ عمران خان اور طاہر القادری کے بیشتر مطالبات جائز ہیں۔ دھرنا ختم کرکے ملک کی ترقی کا پہیہ چلنے دیا جائے۔ایم کیو ایم کے قائد الطاف حسین کا اپنی سالگرہ کی تقریب سے خطاب میں کہنا تھا کہ میں نام نہاد جمہوریت کے علمبرداروں اور دانشوروں سے سوال کرتا ہوں کہ جمہوریت کا مطلب کیا ہے؟۔
جمہوریت خاندانوں کے ذریعے سیاست کرنے کا نام نہیں ہے۔ پورے ملک کا پیسہ وی آئی پی کلچر کے تحفظ پر خرچ ہوتا ہے۔ پاکستان میں وی آئی پی کلچر کو ختم کیا جائے۔ انہوں نے کہا کہ میں ایسی جمہوریت کو آمریت سے بدتر قرار دیتا ہوں جو بغیر کسی لوکل کونسل کے قائم ہو۔(جاری ہے)
جتنی سول حکومتیں آئیں انہوں نے بلدیاتی الیکشن نہیں کرائے۔ الطاف حسین کا کہنا تھا کہ اس وقت صبح شام پارٹی کی تنظیم نو میں لگا ہوں۔
تمام پارٹی ذمہ داران اپنی گردنوں سے سریا نکال لیں اور کارکنان کے ساتھ خوش اخلاقی کیساتھ پیش آئیں۔ تمام ذمہ داران اپنی سیکورٹی اور پروٹوکول کو مناسب اور حسب ضرورت رکھیں۔ ایم کیو ایم کے کسی عہدیدار نے اگر کسی سے بدسلوکی کی ہو تو میں ان سے معذرت خواہ ہوں۔ الطاف حسین نے اعلان کیا کہ اقتدار میں آکر اقلیت کا لفظ ہی ختم کر دیں گے۔ ایم کیو ایم کو ایک سال حکومت مل جائے تو ملکی دولت لوٹنے والوں کو جھگیوں میں منتقل کر دوں گا۔ ملکی دولت لوٹنے والوں کے محلات کو سکول، کالج اور ہسپتال بنا دوں گا۔ خطاب کے دوران انہوں نے کہا کہ ملک کو قائم رکھنا ہے تو نئے صوبوں کا قیام ضروری ہے۔ ملکی بقاء کیلئے نئے انتظامی یونٹس بنانے ہونگے جس پر پیپلز پارٹی کے چیئرمین بلاول بھٹو زرداری نے ٹویٹ کیا کہ '' مرسوں مرسوں، سندھ نہ ڈیسوں''۔ الطاف حسین نے اس کا جواب دیا کہ ابھی میری تقریر ختم نہیں ہوئی اور بلاول بھٹو کا ٹویٹ آ گیا۔ میں پی پی کے چھوٹے میاں سے کہتا ہوں کہ ابھی آپ چھوٹے ہیں، بڑی باتیں نہ کریں۔ میں انھیں کہنا چاہتا ہوں کہ '' مرسوں مرسوں، پورا سندھ ڈیسوں''۔ انہوں نے کہا کہ آرٹیکل 6 کے تحت سب کیخلاف کارروائی ہونی چاہیے۔ پرویز مشرف کو رہا کرو ورنہ مدد کرنے والے سب کو گرفتار کرو۔متعلقہ عنوان :
مزید اہم خبریں
-
ایران پر اسرائیل کے حملے اور دھماکوں کے بعد پروازیں معطل
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
ایران : اصفہان میں دھماکوں کی آوازیں اسرائیل کا ایران پر’ ’میزائل حملہ“ کرنے کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
-
غیر ملکیوں کی گاڑی پر حملہ، دہشتگرد حملہ آور پیدل چل کر گاڑی تک پہنچے،ڈی آئی جی ایسٹ اظفر مہیسر
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.