ایک امریکی مارو، جنت میں 144حوریں ملیں گی،سوڈانی عا لم دین
جمعرات 18 ستمبر 2014 11:54
بغداد۔ خر طو م (اُردو پوائنٹ اخبار تازہ ترین۔18ستمبر۔2014ء)عراق اور شام میں اپنی مخصوص شریعت کے نفاذ کے لیے کوشاں دہشت گرد گروپ "داعش" کو دنیا بھر میں ایسے ہم خیال علماء سوء بھی فراوانی کے ساتھ میسر ہیں جو جہاد جیسے مقدس فریضہ کی اہمیت بیان کرتے ہوئے قرآن کریم اور احادیث رسول میں کھلے عام تحریف سے بھی نہیں چوکتے۔العربیہ ڈاٹ نیٹ کے مطابق دیگر ممالک کی طرح سوڈان میں بھی داعش کو اپنے ہمنواء مبلغین مل گئے ہیں۔
ایسے ہی ایک خود ساختہ عالم دین نے چند ہفتے قبل منبر رسول سے 'وعظ' کرتے ہوئے کہا کہ ان کی نماز تراویح اپنے ملک میں نہیں ہو سکتی بلکہ انہیں نماز تراویح کے لیے بغداد جانا پڑے گا۔اب موصوف ایک قدم اور آگے بڑھ گئے اور کہتے ہیں کہ 'جو شخص ایک امریکی کو قتل کرے گا اس کے بدلے میں وہ جنت میں 144 حوریں پائے گا۔(جاری ہے)
نیز وہ اس کے بدلے میں اپنے خاندان کے 140 افراد کی شفاعت بھی کر سکے گا'۔
مقام حیرت ہے کہ سوڈانی مبلغ کے نزدیک امریکی اور غیر امریکی کے قتل کی آخرت میں جزاء بھی مختلف ہے۔ وہ کہتے ہیں کہ اگر کوئی مسلمان کسی غیر امریکی کو قتل کر دے تو وہ 72 حوروں کا مستحق ہو گا اور اپنے خاندان کے 70 افراد کو جنت میں ساتھ لے جائے گا۔سوڈانی علامہ صاحب کے نزدیک امریکی یا دوسرے غیر مسلموں کے قتل عام میں فوجی، غیر فوجی، خواتین، بچوں اور عام شہریوں میں کوئی فرق نہیں۔ سب برابر ہیں۔ طرفہ تماشا یہ ہے کہ وہ پوری ڈھٹائی کے ساتھ یہ دعویٰ بھی کر رہا ہے کہ (نعوذ باللہ) یہ سب نبی رحمت صلی اللہ علیہ وسلم کی تعلیمات ہیں۔نبی اکرم صلی اللہ علیہ وسلم کی ذات کے ساتھ من گھڑت اور جھوٹ باتیں منسوب کرنے والے بزعم خویش علامہ صاحب کو کوئی وہ نصیحت یاد دلائے جو خلیفہ اول حضرت ابو بکر صدیق رضی اللہ تعالیٰ عنہ نے حضور صلی اللہ علیہ وسلم کی ہدایت کے مطابق اسامہ بن زید کی قیادت میں ایک اسلامی لشکر کو روانہ کرنے سے قبل ارشاد فرمائی تھی، جس میں آپ نے واضح الفاظ میں دس اہم باتوں کی ہدایت کی تھی کہ "خیانت نہ کرنا، غلو سے پرہیز، غدر سے اجتناب کرنا، کسی لاش کا مثلہ نہ بنانا، بچے، بوڑھے اور عورت پر تلوار نہ اٹھانا، کھجوروں کے درخت کاٹنا اور نہ انہیں آگ لگانا، پھل دار پودوں کو نقصان نہ پہنچانا، بلا ضرورت کسی گائے، بکری یا اونٹ کو ذبح نہ کرنا"مزید بین الاقوامی خبریں
-
بارشوں کا 75 سالہ ریکارڈ ٹوٹ جانے کے باوجود صرف 24 گھنٹوں میں متحدہ عرب امارات کے متاثرہ علاقے کلیئر ہو گئے
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.