سعودی دوشیزہ کو آن لائن دولہا تلاش کرنا مہنگا پڑ گیا
جمعہ 19 ستمبر 2014 16:45
ریاض(اُردو پوائنٹ اخبار تازہ ترین۔19ستمبر 2014ء)سعودی عرب میں محکمہ امر بالمعروف ونہی عن المنکر المعروف مذہبی پولیس نے ایک خاتون اور مرد نو سر باز جوڑے کو حراست میں لیا ہے جن پر ایک غیر شادی شدہ لڑکی کو بلیک میل کر کے اس سے دو لاکھ ریال کی خطیر رقم ہتھیانے کا الزام عائد کیا گیا ہے۔عرب ٹی وی کے مطابق ریاض میں مذہبی پولیس کے ترجمان الشیخ محمد الزبیدی نے واقعے کی تفصیلات دیتے ہوئے بتایا کہ حراست میں لئے گئے جوڑے سے ایک دوشیزہ کو بلیک میل کرنے اور اس سے بھاری رقم ہتھیانے کی تحقیقات کی جا رہی ہیں۔
انہوں نے بتایا کہ ایک لڑکی نے انٹرنیٹ پر اپنے شریک حیات کی تلاش کے لیے تصاویر پوسٹ کر رکھی تھیں۔حراست میں لیے گئے مرد اور خاتون نے وہ تصاویر اتاریں اور اس لڑکی سے رابطہ کرکے اسے بلیک میل کرنے لگے۔(جاری ہے)
نو سر باز لڑکی کو اس کی تصاویر کی آڑ میں اسے دھمکیاں دیتے اور اس سے رقم کا مطالبہ کرتے رہے۔ انہوں نے متاثرہ لڑکی سے دو لاکھ ریال کی رقم ہتھیا لی تھی اور مزید اڑھائی لاکھ ریال کے لیے سودے بازی کر رہے تھے۔
اس دوران لڑکی نے متعلقہ پولیس حکام کو سارے واقعے سے اگاہ کر دیا۔ پولیس نے چھان بین کے بعد دونوں جعل سازوں کو گرفتار کرکے ان سے تفتیش شروع کر دی ہے۔پولیس ترجمان کا کہنا تھا کہ شہریوں بالخصوص نوجوان لڑکوں اور لڑکیوں کو از خود اپنے رشتے سوشل میڈیا کے ذریعے تلاش کرنے سے اجتناب برتنا چاہیے ورنہ وہ بھی ایسے ہی نو سر بازوں کے ہتھے چڑھ کر کسی نئی مصیبت میں پھنس سکتے ہیں۔مزید بین الاقوامی خبریں
-
سات وکٹیں ،انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
-
فرانس کی طرف سے اسرائیلی آباد کاروں پرپابندیوں کی دھمکی
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
-
اسرائیلی بمباری میں ننھا بچہ زخمی، چہرے پر 200 ٹانکے لگے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.