تحریک انصاف کے جلسے کی تیاریاں مکمل،عمران خان خطاب کرینگے

اتوار 21 ستمبر 2014 15:37

کراچی(اُردو پوائنٹ اخبار تازہ ترین۔21ستمبر۔2014ء) کراچی میں پاکستان تحریک انصاف کے جلسے کی تیاریاں مکمل کر لی گئی ہیں اور لوگوں نے جلسہ گاہ میں پہنچنا شروع کردیا ہے،چیئرمین تحریک انصاف عمران خان اسلام آباد سے کچھ ہی دیر میں کراچی پہنچنے والے ہیں۔کراچی میں مزار قائد کے قریب پاکستان تحریک انصاف کے جلسے کی تیاریاں مکمل ہوگئی ہیں ۔

(جاری ہے)

منتظمین نے دعویٰ کیا ہے کہ آج کے جلسے میں دسمبر 2011 سے کہیں زیادہ لوگ میں شریک ہوں گے۔

لوگ بھی جلسہ گاہ پہنچنا شروع ہوگئے ہیں۔ ان کا کہنا ہے کہ تبدیلی کا وقت آگیا ہے اور وہ عمران خان کو خوش آمدید کہنے کے لئے آئے ہیں۔چیئرمین تحریک انصاف عمران خان اسلام آباد سے کچھ ہی دیر میں کراچی پہنچنے والے ہیں۔ عمران خان اسلام آباد سے خصوصی طیارے کے ذریعے کراچی پہنچیں گے۔وہ کراچی میں مزار قائد کے باہر پاکستان تحریک انصاف کے جلسے سے خطاب کرینگے۔