یمن میں مظاہرین اورفورسزکے درمیان جھڑپیں،وزیراعظم مستعفی،اقوام متحدہ کی ثالثی میں سمجھوتے کے باوجود جھڑپیں جاری،دارلحکومت سمیت متعددعلاقوں میں کرفیونافذ
اتوار 21 ستمبر 2014 23:07
صنعاء(اُردو پوائنٹ اخبار تازہ ترین۔21ستمبر۔2014ء) یمن کے وزیراعظم محمد باسندوا نے دارالحکومت صنعا میں حوثی شیعہ باغیوں اور سرکاری سکیورٹی فورسز کے درمیان جھڑپوں کے بعد اپنے عہدے سے استعفیٰ دے دیا ۔عرب ٹی وی کے مطابق یمنی وزیراعظم نے حوثی باغیوں کے صنعا میں سرکاری ہیڈ کوارٹرز پر حملوں اور قبضے کی اطلاعات کے بعد استعفیٰ دیا ہے۔مقامی لوگوں نے دارالحکومت میں فرسٹ آرمرڈ ڈویڑن کے ہیڈکوارٹرز کے نزدیک ہفتے کی رات بھاری گولہ باری کی اطلاع دی تھی۔
یمن میں متعین اقوام متحدہ کے خصوصی نمائندے جمال بن عمر نے قبل ازیں حوثی باغیوں کے سربراہ عبدالمالک الحوثی کے ساتھ مذاکرات کے بعد بتایا تھا کہ متحارب فریقوں کے درمیان تشدد کے خاتمے کے لیے سمجھوتا طے پاگیا ہے لیکن اس سمجھوتے کے باوجود باغیوں نے آرمرڈ ڈویڑن کے کیمپ پر گولہ باری جاری رکھی ہے۔(جاری ہے)
ایک حوثی باغی کا کہنا ہے کہ انھوں نے جامعہ ایمان کے نزدیک بھاری گولہ باری جاری رکھی ہوئی ہے اور فوجی وہاں سے راہ فرار اختیار کر رہے ہیں۔
یمن کی اعلیٰ سکیورٹی کمیٹی نے حوثی باغیوں اور سرکاری فورسز کے درمیان گذشتہ چار روز سے جاری شدید جھڑپوں کے بعد دارالحکومت کے چار علاقوں میں رات نو بجے سے صبح دس بجے تک کرفیو نافذ کردیا اور باغیوں کے سرکاری ٹیلی ویڑن پر دھاوے کے بعد اسکولوں کو بند کردیا تھا۔دارالحکومت میں اس کشیدگی کے باوجود یمنی صدر عبد ربہ ہادی منصور نے اقوام متحدہ کی ثالثی میں کشیدگی کے خاتمے کے لیے سمجھوتے کی حمایت کی تھی اور حوثی باغیوں نے اس سمجھوتے پر دستخط کے لیے اتوار کو اپنا نمائندہ بھیجنے کا اعلان کیا تھا۔یمنی حکام کے مطابق گذشہ چار روز کے دوران صنعا کے نواحی علاقے شاملان میں سکیورٹی فورسز اور حوثی باغیوں کے درمیان جھڑپیں ہورہی ہیں جس کے بعد ہزاروں افراد اپنا گھربار چھوڑنے پر مجبور ہوگئے ہیں۔ حوثیوں نے اہلِ سنت کے زیرانتظام ''جامعہ ایمان'' کا بھی محاصرہ کر رکھا ہے۔متعلقہ عنوان :
مزید بین الاقوامی خبریں
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
فرانس کی طرف سے اسرائیلی آباد کاروں پرپابندیوں کی دھمکی
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
غزہ سے ملنے والی اجتماعی قبروں میں فلسطینیوں کو زندہ دفن کیے جانے کا دعوی
-
اسرائیلی بمباری میں ننھا بچہ زخمی، چہرے پر 200 ٹانکے لگے
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
-
فلسطینیوں پرمظالم پر امریکی جامعات میں احتجاج شدت اختیارکرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.