حکمرانوں کو خواب میں ”گونواز، شہبازگو“ کے نعرے اور دھرنے دکھائی دیتے ہیں، پرویز الٰہی،شامت اعمال سے ان کی نیند حرام ہو چکیں، ظلم اور دھاندلی کیخلاف احتجاج غیرآئینی نہیں بلکہ انتخابی نتائج بدلنا غیرآئینی و غیرقانونی ہے ،سینئر مرکزی رہنما مسلم لیگ
پیر 22 ستمبر 2014 21:39
لاہور (اُردو پوائنٹ اخبار تازہ ترین۔22ستمبر۔2014ء) پاکستان مسلم لیگ کے سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ حکمرانوں کو خواب میں بھی گونواز، گوشہبازگو کے نعرے اور دھرنے دکھائی دیتے ہیں، یہ نعرہ ہر دل کی آواز بن چکا ہے اور اب تو ن لیگ کے رہنما اور کارکن بھی یہ نعرے لگا رہے ہیں۔ وہ گجرات میں اپنی رہائش گاہ پر مرکزی انجمن تاجران کے وفد، سابق بلدیاتی عہدیداروں اور مسلم لیگی رہنماؤں سے گفتگو کر رہے تھے جن میں افتخار شاکر، شبیر خان، بوبی پہلوان، امتیاز راٹھور، چودھری نثار آف خوجیانوالی اور چودھری اقبال بھی شامل تھے۔
وہ لیگی کارکنوں کے عزیزواقارب کے انتقال پر اظہار تعزیت کیلئے بھی گئے۔ چودھری پرویزالٰہی نے کہا کہ ہم نے سب سے پہلے انتخابات میں بدترین دھاندلی کیخلاف آواز اٹھائی اور اب تمام جماعتیں اس دھاندلی کا ذکر کر رہی ہیں۔(جاری ہے)
انہوں نے کہا کہ ظلم اور دھاندلی کے خلاف احتجاج اپوزیشن کا جمہوری حق ہے اور یہ غیرآئینی نہیں البتہ انتخابی نتائج بدلنا غیرآئینی، غیرقانونی اور سنگین ترین جرم ہے۔
انہوں نے کہا کہ اب تو حکمرانوں کے قریبی ساتھی بھی ملک میں کرپشن، بدامنی اور نالائقی کا برملا اعتراف کرنے پر مجبور ہیں، جن حکمرانوں سے عوام مطمئن نہ ہوں اور کہیں نہ کہیں سڑکوں پر احتجاج کر رہے ہوں وہ کیسے مقبولیت کے دعوے کر سکتے ہیں۔ انہوں نے کہا کہ حکمران دھرنے سے خوفزدہ ہیں، شامت اعمال سے ان کی نیند حرام ہو چکی ہے، کانوں میں مخالفانہ نعرے گونجتے رہتے ہیں اور اگر آنکھ لگ بھی جائے تو خواب میں نعروں اور دھرنوں سے پھر آنکھ کھل جاتی ہے۔ انہوں نے کہا کہ پارلیمنٹ اور مسلمہ جمہوریت کا کوئی دشمن یا مخالف نہیں، مخالفت اور احتجاج تو دھاندلی زدہ انتخابی نتائج اور اس کے نتیجہ میں بننے والی جعلی اور بے گناہوں کا بیدردی سے قتل عام کرنے والی ظالم حکومت کے خلاف کیا جا رہا ہے۔ انہوں نے کہا کہ ان حکمرانوں کو چاہئے کہ وہ خود ہی جلد از جلد مستعفی ہو جائیں تاکہ ملک میں سیاسی استحکام پیدا ہو۔ قبل ازیں چودھری پرویزالٰہی نے اپنے دیرینہ ساتھی ملک محمد اسحاق اعوان سابق ناظم کی رہائش گاہ پر ان کی صاحبزادی کے انتقال پر فاتحہ خوانی کی۔ وہ ندیم مرل اور شکیل مرل کے والد اور محمد افضل مرل کے ماموں کی تعزیت کیلئے بھی گئے اور دعائے مغفرت کی ان کے ہمراہ سابق پارلیمانی سیکرٹری چودھری خالد اصغر گھرال اور دیگر رہنما بھی تھے۔#متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.