لاہور کی ضلعی حکومت نے پاکستان تحریک انصاف کو مینار پاکستان پر جلسے کی اجازت دے دی
بدھ 24 ستمبر 2014 18:46
لاہور(اُردو پوائنٹ اخبار تازہ ترین۔24ستمبر۔2014ء) لاہور میں ضلعی حکومت نے پاکستان تحریک انصاف کو مینار پاکستان پر جلسے کی اجازت دے دی ہے۔ذرائع کے مطابق پاکستان تحریک انصاف نے منگل کے روز ڈی سی او لاہور کو درخواست دی تھی کہ28 ستمبر کو انہیں مینار پاکستان جلسے کی اجازت دی جائے۔ جس پر ضلعی حکومت نے پاکستان تحریک انصاف کو جلسے کی اجازت دیتے ہوئے سی سی پی او لاہور کو خط لکھا ہے کہ اس حوالے سے سکیورٹی کے فول پروف انتظامات کو یقینی بنائیں۔
ذرائع کا کہناہے کہ ڈی سی او کیپٹن (ر)عثمان نے ڈی جی ریسکیو ڈبل ون ڈبل ٹو اور ڈی جی پارکس اینڈ ہارٹیکلچر کو بھی تحریری طور پر آگاہ کردیا ہے۔ صوبائی وزیر قانون رانا مشہود کا کہنا ہے کہ جلسے سے منع نہیں کیا جائے گا،دوسری جانب مینار پاکستان کے سیکورٹی افسر کا کہنا ہے کہ اس جگہ پر سکیورٹی خدشات ہیں۔(جاری ہے)
تحریک انصاف کے رہنما میاں اسلم اقبال اور میاں افتخار نے ڈی سی او لاہور کے دفتر میں جلسے کے لئے درخواست جمع کرائی تھی‘ میڈیا سے گفتگو کرتے ہوئے میاں اسلم اقبال کا کہنا تھا کہ انتظامیہ نے روکنے کی کوشش کی تو پھر جاتی عمرہ میں جلسہ کریں گے۔
وزیر قانون پنجاب رانا مشہود کا کہنا تھا کہ مینار پاکستان کے قریب تعمیراتی کام جاری ہے، پی ٹی آئی نے مینارپاکستان گراؤنڈ میں ہی جلسہ پر اصرار کیا تو پھر فیصلہ کریں گے کہ کون سا گراؤنڈ انہیں دیا جائے۔مینار پاکستان کے سیکورٹی افسر محمد ضمیر کہتے ہیں کہ دہشت گردی کے خدشات کے پیش نظر یہاں خاردار تاریں لگا رکھی ہیں۔ مینار پاکستان انتظامیہ کا کہنا ہے کہ یادگار پاکستان 55 ایکٹر کی اراضی پر مشتمل ہے،اس کے اندر تقریبا 4 لاکھ افراد کی گنجائش ہے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.