حکومت سندھ کا کم عمر بچوں کو مفت تعلیم دینے کا منصوبہ تیار

پیر 29 ستمبر 2014 14:54

کراچی(اُردو پوائنٹ اخبار تازہ ترین۔29ستمبر 2014ء) حکومت سندھ نے پانچ سے سولہ سال کی عمر کے بچوں کو مفت لازمی تعلیم فراہم کرنے کا پنج سالہ منصوبہ تیار کر لیا ۔

(جاری ہے)

سندھ کی حکومت نے پانچ سے سولہ سال کی عمر کے بچوں کو مفت لازمی تعلیم فراہم کرنے کے لئے پانچ سالہ منصوبہ بنایا ہے ، 2014 ء سے2018 ء کی مدت کے لئے بنائے گئے پنج سالہ منصوبے کے لئے اقوام متحدہ کے بچوں کے فنڈ سمیت دیگر عالمی اداروں سے معاونت حاصل کی جائے گی ۔

ذرائع کے مطابق سندھ حکومت اپنے کل بجٹ کا تقریباً پانچواں حصہ تعلیم پر خرچ کر رہی ہے لیکن اس کے نتائج توقع کے مطابق نہیں ہیں ۔ اس کی وجہ گڈ گورننس کی کمی ہے ۔ گزشتہ چھ سالوں میں صوبے کےتعلمی بجٹ میں 128 فیصد اضافہ ہوا ہے ۔ تاہم بجٹ کا بیشتر حصہ تنخواہوں کی مد میں خرچ ہو رہا ہے ۔ بنیادی سہولتوں سمیت دیگر مدوں میں کم رقم خرچ ہو رہی ہے ۔

Facebook Twitter Google + Share on Whatsapp

حکومت سندھ کا کم عمر بچوں کو مفت تعلیم دینے کا منصوبہ تیار

متعلقہ عنوان :

مزید اہم خبریں