ایشین گیمز ہاکی فائنل، بھارت کی پاکستان کو شکست، سونے کا تمغہ جیت لیا

جمعرات 2 اکتوبر 2014 16:45

ایچیون (اُردو پوائنٹ اخبار تازہ ترین۔2اکتوبر 2014ء) ایشین گیمز ہاکی ایونٹ کے فائنل میچ میں بھارت نے دلچسپ مقابلے کے بعد پنالٹی شوٹ آئوٹس پر پاکستان کو شکست دے کر طلائی تمغہ اپنے نام کر لیا۔

(جاری ہے)

دونوں ٹیموں کے درمیان مقررہ وقت کے درمیان میچ ایک ایک گول سے برابر رہا جس کے بعد میچ کا فیصلہ پنالٹی شوٹ آئوٹس پر ہوا ۔پاکستان کے تین کھلاڑیوں نے پنالٹی شوٹ آئوٹ ضائع کر دیئے جبکہ بھارت کی جانب سے صرف ایک شوٹ آئوٹ ضائع کیا اس طرح بھارت نے فائنل ہاکی میچ چار دو سے جیت لیا۔میچ کے اختتام پر پاکستانی کھلاڑی آبدیدہ ہو گئے جبکہ بھارتی کھلاڑیوں نے فتح کا جشن منایا ۔پاکستان کے حصے میں چاندی کا تمغہ آیا ہے۔