ای سی سی نے کپاس کی امدادی قیمت تین ہزار روپے فی چالیس کلو گرام مقرر کرنے کی منظوری دیدی ، ٹریڈنگ کارپوریشن آف پاکستان 10 لاکھ گانٹھیں خریدے گی، کمیٹی نے گوادر نواب شاہ ٹرمینل اور 700کلومیٹر پائپ لائن نصب کرنے کی منظوری دیدی ، سیلاب نے زرعی شعبے کے بڑے حصے کو بری طرح متاثر کیا ہے ، ضرورت کی گھڑی میں کاشتکاروں کی بھر پور مدد کی جائیگی،وزیر خزانہ اسحاق ڈار
جمعرات 2 اکتوبر 2014 21:47
اسلام آباد(اُردو پوائنٹ اخبار تازہ ترین۔2اکتوبر۔2014ء) ای سی سی نے کپاس کی امدادی قیمت تین ہزار روپے فی چالیس کلو گرام مقرر کرنے کی منظوری دیتے ہوئے فیصلہ کیا ہے کہ ٹریڈنگ کارپوریشن آف پاکستان 10 لاکھ گانٹھیں خریدے گی، کمیٹی نے گوادر نواب شاہ ٹرمینل اور 700کلومیٹر پائپ لائن نصب کرنے کی منظوری دیدی ہے جبکہ وزیر خزانہ اسحاق ڈار نے کہا ہے کہ سیلاب نے زرعی شعبے کے بڑے حصے کو بری طرح متاثر کیا ہے ، ضرورت کی گھڑی میں کاشتکاروں کی بھر پور مدد کی جائیگی۔
کابینہ کی اقتصادی رابطہ کمیٹی (ای سی سی ) کا اجلاس وفاقی وزیر خزانہ سینیٹر اسحاق ڈار کی زیر صدارت منعقد ہوا ۔ اجلاس کے دوران وزارت ٹیکسٹائل و صنعت کی جانب سے 2014-15 کے سیزن کیلئے سیڈ کاٹن کی امدادی قیمت کی اجازت دینے کی تجویز پر تفصیلی تبادلہ خیال گیا۔(جاری ہے)
ایگریکلچرل پالیسی انسٹی ٹیوٹ کی جانب سے بیس گریڈ 3 کپاس کی امدادی قیمت تین ہزار روپے فی چالیس کلو گرام مقرر کرنے کی تجویز کی کا شتکاروں کے مفاد کیلئے منظوری دی گئی ۔
ٹریڈنگ کارپوریشن آف پاکستان ، امدادی قیمت پر 10 لاکھ گانٹھیں خریدے گی۔ وزیر خزانہ نے اجلاس سے خطاب کرتے ہوئے کہا کہ حکومت کو علم ہے کہ حالیہ سیلابوں نے زرعی شعبے کے بڑے حصے کو بری طرح متاثر کیا ہے ۔ ہم اپنے کاشتکاروں کی مشکلات پوری طرح آگاہ ہیں اور ضرورت کی اس گھڑی میں ان کی بھر پور مدد کی جائے گی۔ ای سی سی نے گوادر نواب شاہ ایل این جی ٹرمینل اور گوادر سے نواب شاہ تک 42 انچ ڈائیا میٹر کی 700 کلو میٹر پائپ لائن نصب کرنے کے منصوبے کی منظوری بھی دی۔ منصوبے کے تحت دو کمپریسر سٹیشن تعمیر کئے جائیں گے ۔ وزیر خزانہ نے منصوبے کی اصولی منظوری دیتے ہوئے وزارت پیٹرولیم و قدرتی وسائل کو ہدایت کی وہ اس حوالے سے فنڈنگ پلان کو حتمی شکل دے ۔ کمیٹی نے وزارت وصنعت و پیداوار کی جانب سے 2014-15 کے فنانس بل کی روشنی میں مشینری ، آلات اور انرجی سیکٹر کے دوسرے سامان کی لوکل مینو فیکچرنگ سٹیٹس کے تعین کے لئے تجویز ترمیم کے ساتھ منظور کر لی۔ اجلاس میں مقامی مینوفیکچرز کو سہولیات فراہم کرنے اور انہیں سازگار ماحول فراہم کرنے کا فیصلہ بھی کیا گیا ۔ اس حوالے سے فیڈرل بورڈ آف ریونیو کی طرف سے مینو فیکچررز کی شکایات کے ازالے کیلئے ترغیبات دینے کی غرض سے ورکنگ کمیٹی قائم کی جائیگی جس میں وزارت صنعت نیشنل ٹیرف کمیشن ، ایکسپورٹ ڈویلپمنٹ بورڈ، سرمایہ کاری بورڈ اور انری کے شعبے کے سامان تیار کرنے والے مقامی مینو فیکچررز کے نمائندے شامل ہونگے ۔مزید اہم خبریں
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.