سرگودھا،حکومت پنجاب کا ٹماٹر اور آلو پر 6 کروڑ روپے سبسڈی دینے کا فیصلہ

بدھ 8 اکتوبر 2014 17:34

سرگودھا (اُردو پوائنٹ اخبارتاز ترین ۔8 اکتوبر 2014ء) حکومت پنجاب نے ٹماٹر اور آلو پر 6 کروڑ روپے سبسڈی دینے کا فیصلہ کیا ہے ذرائع کے مطابق حکومت پنجاب نے حالیہ سیلاب کے باعث ٹماٹر اور آلو کی بڑھتی ہوئی قیمتوں کو کنٹرول کرنے کیلئے آلو اور ٹماٹر پر سبسڈی دینے کا فیصلہ کیا تھا گزشتہ روز حکومت نے محکمہ خزانہ کو ایک چٹھی کے ذریعے آگاہ کیا کہ حکومت نے آلو اور ٹماٹر کی خریداری پر 6 کروڑ روپے کی سبسڈی دی ہے جس پر عملدرآمد کو یقینی بنایا جائے اور متعلقہ ڈیپارٹمنٹ سے مشاورت کرتے ہوئے آلو اور ٹماٹر کی طلب کو پورا کرنے کیلئے تمام وسائل بروئے کار لائے جائیں حکومت نے ٹماٹر کی پہلی کھیپ بھارت سے منگوا لی ہے۔