ٹنڈولکر، ڈراوڈ نمائشی میچ کھیلنے پاکستان آئیں گے
پیر 13 اکتوبر 2014 20:42
ابوظہبی(اُردو پوائنٹ اخبار تازہ ترین۔13اکتوبر۔2014ء) چیئرمین پاکستان کرکٹ بورڈ(پی سی بی) شہریار خان نے کہا ہے کہ چھوٹی اور دوسرے درجے کی ٹیموں کے پاکستان کے دوروں کی مدد سے ملک میں انٹرنیشنل کرکٹ کی بحالی میں مدد ملے گی۔یاد رہے کہ 2009 میں لاہور میں سری لنکن ٹیم کی بس پر حملے ہونے والے حملے کے بعد سے کسی بھی ٹیم نے پاکستان کا دورہ نہیں کیا۔
2012 میں بنگلہ دیشی ٹیم نے دو مرتبہ دورہ پاکستان کی حامی بھر کر بعد میں انکار کردیا جبکہ رواں سال آئرلینڈ کی ٹیم نے پاکستان آمد کی حامی بھری تاہم کراچی ایئرپورٹ پر حملے کے بعد انہوں نے بھی دورہ منسوخ کردیا۔شہریار خان نے کہا کہ پاکستان میں عالمی کرکٹ کی بحالی کے لیے انہوں نے سری لنکا، ہندوستان اور بنگلہ دیش کے دورے کیے۔(جاری ہے)
انہوں نے پیر کو اے ایف پی سے گفتگو کرتے ہوئے کہا کہ میں نے سری لنکا، انڈیا اور بنگلہ دیش کے دورے جہاں سے مثبت جواب جواب ملا۔
پی سی بی چیئرمین نے کہا کہ ان دوروں کا مقصد ایشیائی جذبے کو بیدار کرنا ہے اور بنگلہ دیش اور سری لنکا نے اپنی انڈر 19، ویمن اور اے ٹیم پاکستان بھیجنے پر رضامندی ظاہر کی ہے۔شہریار نے کہا کہ اصل مقصد آہستہ آہستہ غیر ملکی ٹیموں کے دورہ پاکستان کے دروازے کھولنا ہے، اس سلسلے میں متعدد ایسوسی ایٹ ملکوں نے بھی دوروں کی حامی بھری ہے۔غیر ملکی ٹیموں کی پاکستان آمد کے لیے پرامید چیئرمین نے کہا کہ وہ دن زیادہ دور نہیں اور جب ٹیمیں پاکستان آنے کا فیصلہ کریں گی تو میں خود اس بات کا اعلان کروں گا۔انہوں نے بتایا کہ آئندہ آٹھ سال میں انڈیا نے چھ مکمل سیریز کھیلنے کی یقین دہانی کرائی ہے جس کا آغاز 2015 سے ہو گا۔شہریار خان نے کہا کہ میری ہندوستانی کرکٹ بورڈ کے سربراہ این سری نواسن سے اتوار کو دبئی میں ملاقات ہوئی تھی اور انہوں نے کہا کہ چاہے جو بھی ہو، میں چھ سیریز کا وعدہ پورا کروں گا اور اس سلسلے میں میرے پاس حکومتی منظووی بھی موجود ہے۔رواں سال اپریل میں پاکستابن اور ہندوستان نے 2015 سے 2023 تک چھ کھیلنے کی مفاہمتی یادداشت پر دستخط کیے تھے، ان میں سے چار سیریز کی میزبانی پاکستان کرے گا۔شہریار نے بتایا کہ انہوں نے سابق ہندوستانی اسپنر بشن سنگھ بیدی سے درخواست کی ہے کہ وہ ایک نمائشی میچ کھیلنے کے لیے ریٹائرڈ کھلاڑیوں کو پاکستان لے کر آئیں۔انہوں نے کہا کہ مری بیدی سے ملاقات کی اور انہوں نے بتایا کہ وہ سچن ٹنڈولکر اور راہول ڈراوڈ جیسے ریٹائرڈ کھلاڑیوں پر مشتمل انڈین الیون لے کر پاکستان آئیں گے اور اس سے بھی کافی مدد ملے گی۔متعلقہ عنوان :
مزید کھیلوں کی خبریں
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
-
سابق کرکٹرز کی پاکستان کی جانب سے عماد وسیم کو بینچ پر بٹھانے کے فیصلے پر تنقید
-
نیوزی لینڈ کیخلاف دوسرے ٹی ٹونٹی کیلئے پاکستان کی ممکنہ پلیئنگ الیون سامنے آگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.