تیز رفتار دْم دار ستارہ مریخ کی طرف بڑھنے لگا ، ناسا
جمعہ 17 اکتوبر 2014 14:41
نیویارک(اُردو پوائنٹ اخبار تازہ ترین۔17 اکتوبر۔2014ء)دس لاکھ برسوں میں پہلی بار سرخ سیارے، یعنی مریخ کے نزدیک سے ایک دْم دار ستارہ گزرنے والا ہے۔ اس ”کومٹ“ کی تصاویر امریکی خلائی ادرے ناسا کے خلائی جہاز کے ذریعے بنائی گئی ہیں۔جرمن خبررساں ادارے کے مطابق اس کومٹ کو ”سائیڈنگ اسپرنگ“ کا نام دیا گیا ہے۔ اس کا قطر قریب ایک میل یا ایک اعشاریہ چھ کلومیٹر کے لگ بھگ ہے، تاہم یہ پختگی میں ٹیلکم پاوٴڈر سے زیادہ ٹھوس نہیں ہے۔
یہ کومٹ مریخ کے انتہائی قریب، یعنی اٹھاسی ہزار میل کے فاصلے سے گزرے گا۔یہ کومٹ مریخ کے کتنے قریب سے گزرے گا، اس بات کا اندازہ اس مثال سے لگایا جا سکتا ہے کہ اگر ”سائیڈنگ اسپرنگ“ زمین کے پاس سے ہو کر گزرتا تو اس کا فاصلہ زمین اور چاند کے درمیانی فاصلے کا ایک تہائی ہوتا۔(جاری ہے)
ناسا کے مطابق یہ کومٹ اتوار، انیس اکتوبر کے روز امریکی وقت کے مطابق دو پہر دو بج کر ستائیس منٹ پر مریخ کے قریب ترین ہوگا۔
”سائیڈنگ اسپرنگ“ ایک لاکھ بائیس ہزار چار سو میل فی گھنٹہ کی رفتار سے اپنے راستے پر گامزن ہے، تاہم اس کے مریخ سے ٹکرانے کے امکانات بہت کم ہیں۔سائنس دان، بہر حال ”سائیڈنگ اسپرنگ“ کے راستے اور اس کی حرکت کے مطالعے میں بے حد دلچسپی رکھتے ہیں۔اس حوالے سے ناسا کے واشنگٹن میں واقع مرکز کے ”پلانیٹری سائنس ڈویڑن“ کے ڈائریکٹر جِم گرین کا کہنا ہے، ”دْم دار ستاروں کے بارے میں پہلے سے کچھ کہنا بہت ہی مشکل ہوتا ہے۔
اس بات کا امکان نہیں کہ یہ کومٹ تباہ ہو جائے گا، مگر کیا یہ اپنا ڈھانچہ برقرار رکھ پائے گا؟ ہمیں یہ جاننے میں دلچسپی ہے۔“ناسا نے مریخ کے مطالعے کے لیے جو مشن اس سرخ سیارے کے قریب چھوڑے ہوئے ہیں، انہیں اس نے مریخ کی دوسری سمت پر متعین کر دیا ہے تاکہ کامیٹ سے انہیں کوئی نقصان نہ پہنچ سکے۔ ناسا کے ماہرین کو بہر حال یہ امید ہے کہ ان خلائی جہازوں کو مریخ سے دور لے جانے کے باوجود وہ اس دْم دار ستارے کے بارے ڈیٹا اکھٹا کر پائیں گے۔مریخ کی سطح پر موجود ناسا کی ”کیوریوسٹی“ اور ”آپرچونیٹی“ نامی روبوٹک گاڑیاں اپنے کیمروں سے اس کومٹ کی تصاویر اتاریں گی جو آئندہ دنوں، ہفتوں اور مہینوں تک موصول ہوتی رہیں گی۔واضح رہے کہ یہ دْم دار ستارہ کروڑوں سال پرانا ہے اور اسے جنوری سن دو ہزار تیرہ میں آسٹریلیا کی ”سائیڈنگ اسپرنگ آبزرویٹری“ کے رابرٹ میک ناٹ نے دریافت کیا تھا۔مزید بین الاقوامی خبریں
-
سڈنی، چاقوحملے میں جاں بحق پاکستانی گارڈ کی نمازجنازہ
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
غزہ سے ملنے والی اجتماعی قبروں میں فلسطینیوں کو زندہ دفن کیے جانے کا دعوی
-
اسرائیلی بمباری میں ننھا بچہ زخمی، چہرے پر 200 ٹانکے لگے
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
-
فلسطینیوں پرمظالم پر امریکی جامعات میں احتجاج شدت اختیارکرگیا
-
سعودی عرب، بس ڈرائیوروں کیلئے یونیفارم کی شرط لازمی کردی گئی
-
برطانیہ،دکانوں میں چوری کے واقعات 20 برس کی بلند ترین سطح پر
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.