شمالی وزیرستان، دوستامہ میچ آفریدی الیون نے جیت لیا، شاہد آفریدی نے انعامات تقسیم کیے

بدھ 22 اکتوبر 2014 15:05

بنوں(اُردو پوائنٹ اخبار تازہ ترین۔22اکتوبر 2014ء) بنوں میں شمالی وزیرستان کے متاثرین کے لیے دوستانہ میچ آفریدی الیون نے جیت لیا ، بوم بوم نے جیتنے والوں میں انعامات تقسیم کئے۔ ملک میں قیام امن کی خاطر گھر بار چھوڑنے والے شمالی وزیرستان کے متاثرین کے لیے پاک فوج نے بنوں بکاخیل کیمپ میں کرکٹ میچ کا انتظام کیا۔ شاہد آفریدی الیون اور ٹی ڈی پی الیون کے درمیان کرکٹ میچ مقرر کیا گیا۔

دونوں ٹیموں میں متاثرہ علاقوں کے کھلاڑی شامل تھے ۔ آئی ڈی پیز کیمپ میں دونوں ٹیموں کے درمیان دس ، دس اوورز کا میچ کھیلا گیا ۔ شاہد آفریدی الیون کی قیادت سٹار کرکٹر شاہد آفریدی نے کی جبکہ ٹی ڈی پی کرکٹ ٹیم کے کپتان کرنل اظہر تھے ۔ شاہد آفریدی جب میدان میں پہنچے تو شمالی وزیرستان سے تعلق رکھنے والے بچوں نے ان کا پرتپاک استقبال کیا ۔

(جاری ہے)

دونوں ٹیموں کے درمیان ٹاس ہوا اور شاہد آفریدی الیون نے ٹاس جیت کر پہلے بیٹنگ کرنے کا فیصلہ کیا ۔ شاہد آفریدی نے اپنی روایتی جارحانہ بیٹنگ کی اور دھواں دار بیٹنگ کرتے ہوئے سولہ گیندوں پر پینتالیس رنز سکور کیے ۔ بوم بوم آفریدی کو اپنے درمیان دیکھ کر متاثرین کی خوشی دیدنی تھی ۔ شاہد آفریدی الیون نے پہلے کھیلتے ہوئے مقررہ دس اوورز میں سات وکٹوں کے نقصان پر 88رنز بنائے ۔

ٹی ڈی پی الیون کے عامرعزیز نے دو کھلاڑیوں کو آؤٹ کیا ۔ ہدف کے تعاقب میں ٹی ڈی پی کی ٹیم ستاون رنز بنا کر ڈھیر ہو گئی ، شاہد آفریدی نے دو وکٹیں حاصل کیں ۔ میچ کے اختتام پر بوم بوم آفریدی نے کھلاڑیوں نے انعامات تقسیم کیے ۔ پاک فوج اور سویلیں افسروں کی بڑی تعداد بھی میچ دیکھنے کے لیے موجود تھی۔

Facebook Twitter Google + Share on Whatsapp

شمالی وزیرستان، دوستامہ میچ آفریدی الیون نے جیت لیا، شاہد آفریدی نے انعامات تقسیم کیے

متعلقہ عنوان :

مزید کھیلوں کی خبریں