سعودی عرب میں خواتین کے کار چلانے کی کمپین ختم کر دی گئی

اتوار 26 اکتوبر 2014 14:10

ریاض(اُردو پوائنٹ اخبارتاز ترین ۔ 26اکتوبر 2014ء) سعودی عرب میں اتوارکے روزکار ڈرائیونگ کی شوقین سعودی عرب کی بعض خواتین نے گاڑیاں چلانے کا مظاہرہ کرنا تھا ، تا ہم اجازت نہ ملنے کی وجہ سے یہ پروگرام منسوخ کر دیا گیا ہے۔سعودی میڈیا کے مطابق پچھلے سال 26 اکتوبر کو خواتین نے حکومت سے گاڑی چلانے کی اجازت دینے کا مطالبہ کیا تھا ، اور آج کار ڈرائیونگ کمپین شروع ہونے کا ایک سال مکمل ہونے پر ایک بار پھر سڑکوں اور گلیوں پر کچھ خواتین کا گاڑیاں چلانے کا پروگرام تھا۔

(جاری ہے)

اس ضمن میں کوئی 2500 خواتین نے آج کے روز کار چلانے کا اعلان کر رکھا تھا۔ تا ہم سعودی وزارت داخلہ کی جانب سے احکامات آنے کے بعد ان کو اپنا پروگرام ختم کرنا پڑا ہے۔ مبصرین کا کہنا ہے کہ سعودی عرب میں عورتوں کو گاڑی چلانے کے لئے اس طرح کی مہم جوئی کا کوئی فائدہ نہیں ہو گا ، بلکہ انہیں کسی شاہی فرمان کا انتظار کرنا ہو گا۔ ایسے ہی جس طرح شاہ فیصل بن عبدالعزیز شہید نے فرمان جاری کر کے لڑکیوں کو تعلیم حاصل کرنے کی اجازت دی تھی۔ اس وقت سعودی عرب کی کوئی 47 فیصد عورتیں گاڑیوں کی مالک ہیں ، اور انہیں چلانے کی اجازت نہ ہونے کے باعث ڈرائیور رکھنا پڑتے ہیں۔

Facebook Twitter Google + Share on Whatsapp

سعودی عرب میں خواتین کے کار چلانے کی کمپین ختم کر دی گئی

متعلقہ عنوان :

مزید بین الاقوامی خبریں