ق لیگ کا بلدیاتی، ضمنی انتخابات میں حصہ لینے کا فیصلہ

اتوار 26 اکتوبر 2014 16:23

لاہور(اُردو پوائنٹ اخبار تازہ ترین۔26اکتوبر۔2014ء) مسلم لیگ قائد اعظم نے ضمنی انتخابات میں حصہ لینے کا اعلان کر دیا ہے ۔ پارٹی قیادت کا کہنا ہے کہ اتحاد کی سیاست جاری رکھی جائے گی مگر پارٹی کا آزادانہ سیاسی تشخص بھی برقرار رکھا جائے گا ۔ مسلم لیگ قائد اعظم کے صدر چوہدری شجاعت حسین کی زیرصدارت پنجاب بھر کے ٹکٹ ہولڈرز ، ضلعی عہدیداروں اور ذیلی ونگز کا اجلاس مسلم لیگ ہائوس میں منعقد ہوا جس میں چوہدری پرویز الہی اورمونس الہی نے بھی شرکت کی ۔

(جاری ہے)

اجلاس میں ملکی سیاسی صورتحال اورآئندہ سیاسی حکمت عملی پر غور کیا گیا ۔ اجلاس میں فیصلہ کیا گیا کہ پارٹی ضمنی انتخابات میں حصہ لے گی اور پنجاب بھر میں پارٹی کی ایک کمیٹی تمام اضلاع کا دورہ کرکے پارٹی کو فعال بنانے کے لئے کام کرے گی ۔ اجلاس میں فیصلہ کیا گیا کہ پارٹی اپنا آزادانہ سیاسی تشخص برقرار کھے گی تاہم اتحاد کی سیاست کو جاری رکھا جائے گا ۔ مسلم لیگ پنجاب بھر میں پارٹی ورکرز کنونشن اور جلسے کرے گی ۔ اجلاس سے خطاب میں چوہدری شجاعت حسین کا کہنا تھا کہ جدوجہد ترک نہیں کریں گے ۔ عوام کے لئےآواز اٹھاتے رہیں گے جبکہ پرویز الہی کا کہنا تھا کہ حکومت کے عوام دشمن اقدامات کی مزاحمت کی جائے گی ۔

Facebook Twitter Google + Share on Whatsapp

ق لیگ کا بلدیاتی، ضمنی انتخابات میں حصہ لینے کا فیصلہ

متعلقہ عنوان :

مزید اہم خبریں