نئی دہلی‘ مسلم کش فسادات کے پانچویں روز بھی سخت کشیدگی

منگل 28 اکتوبر 2014 15:02

نئی دہلی (اُردو پوائنٹ اخبار تازہ ترین۔28 اکتوبر۔2014ء ) بھارت کے دارالحکومت نئی دہلی میں مسلم کش فسادات کے پانچویں روز بھی سخت کشیدگی برقرار ہے۔ فسادات میں 56 افراد زخمی ہوئے۔ پولیس نیجھڑپوں میں ملوث 14 افراد کو حراست میں لے لیا۔ نئی دہلی کے مشرقی علاقے تر ی لوک پوری میں ہندومسلم فسادات پھوٹنے کے 5 روز بعد بھی کشیدگی ہے۔ علاقے میں دکانیں بند ہیں جس کی وجہ سے کھانے پینے اور ضروریات زندگی کی اشیا کی قلت پیدا ہوگئی ہے۔

(جاری ہے)

5روزہ ہنگاموں میں 56افراد زخمی ہوچکے ہیں۔ علاقے سے ایک پھر ہنگاموں کی خبریں آرہی ہیں۔ تاہم پولیس نے افواہیں پھیلانے والوں کو خبر دار کیا ہے۔ جھڑپوں میں ملوث 14 افراد کو گرفتار کرلیا گیا ہے۔ گزشتہ روز پولیس نے فسادات روکنے کے لیے رکاوٹیں کھڑی کردیں۔ علاقے میں رہنے والے ہندو اور مسلمانوں سے اپیل کی گئی ہے کہ علاقے میں پھیلے ہوئے پتھر اور شیشے ہٹائے جائیں۔ انتہا پسند ہندوں نے اتوار اور پیر کی رات بھی 2دکانیں جلادیں۔

Facebook Twitter Google + Share on Whatsapp

نئی دہلی‘ مسلم کش فسادات کے پانچویں روز بھی سخت کشیدگی

متعلقہ عنوان :

مزید بین الاقوامی خبریں