افریقی ملک برکینا فاسو میں فوج نے حکومت کا تختہ الٹ کراقتدار پر قبضہ کرلیا

جمعہ 31 اکتوبر 2014 20:52

اواگیڈوگو(اُردو پوائنٹ اخبار تازہ ترین۔31اکتوبر۔2014ء ) مغربی افریقی ملک برکینافاسو میں فوج نے صدر کو برطرف کر کے حکومت کا تختہ الٹ کر اقتدار پر قبضہ کرلیا ہے۔غیر ملکی خبر رساں ادارے کے مطابق برکینا فاسو میں 27 سال سے اقتدار میں رہنے والے صدر کے خلاف ہزاروں افراد سڑکوں پر احتجاج کررہے تھے جبکہ دارالحکومت میں پرتشدد واقعات کے بعد فوج نے صدر بلیسی کمپور کو برطرف کرتے ہوئے حکومت کا تختہ الٹ دیا۔

(جاری ہے)

فوجی سربراہ کرنل بوریما فارٹا نے آرمی ہیڈکوارٹر کے باہر موجود ہزاروں افراد کے مجمع سے خطاب کرتے ہوئے اعلان کیا کہ صدر بلیسی کمپور اب مزید اقتدار میں نہیں رہ سکتے جبکہ فوج نے حکومتی معاملات عارضی طور پر اپنے ہاتھ میں لے لئے ہیں۔دوسری جانب یورپی یونین کا کہنا ہے کہ برکینا فاسو کے عوام کو اپنے مستقبل کا فیصلہ کرنے کا اختیار حاصل ہونا چاہئے جب کہ آئندہ کیا جانے والا فیصلہ اتفاق رائے اور قانون کے مطابق ہونا چاہئے۔واضح رہے کہ برکینا فاسو کے صدر بلیسی کمپور گزشتہ 27 سال سے حکومت کر رہے تھے اور ایک مرتبہ پھر ا?ئین میں ترمیم کے ذریعے 2015 میں نئی حکومت کے قیام تک اقتدار میں رہنا چاہتے تھے جس کے خلاف ملک بھر میں گزشتہ کئی روز سے احتجاج جاری تھا۔

Facebook Twitter Google + Share on Whatsapp

افریقی ملک برکینا فاسو میں فوج نے حکومت کا تختہ الٹ کراقتدار پر قبضہ کرلیا

متعلقہ عنوان :

مزید بین الاقوامی خبریں