اداکارہ پرینیتی چوپڑا کا ڈانس میں گووندا سے آمنا سامنا

ممبئی (اُردو پوائنٹ تاز ترین اخبار۔ 10نومبر 2014ء)گووندا کے بارے میں کہا جاتا ہے کہ وہ ڈانس کو انتہائی آسان بنا دیتے ہیں اور ہر موقع پر اس کے لیے تیار رہتے ہیں-بالی وڈ اداکارہ پرینیتی چوپڑہ کو بذات خود ایک اچھی ڈانسر تصور کیا جاتا ہے لیکن حال میں ریلیز ہونے والی فلم ’کل دل‘ میں ان کا سامنا گووند سے ہو گیا۔پرینیتی چوپڑہ کا کہنا ہے کہ گووندا کے ساتھ قدم سے قدم ملا کر رقص کرنا آسان نہیں۔

(جاری ہے)

میں ان کے جیسی بہتر ڈانسر تو نہیں ہوں تاہم مجھے ان کے ساتھ قدم سے قدم ملانا تو تھا ہی۔انھوں نے مزید کہا کہ گووندا رقص کے دیوتا ہیں اور کوئی ان جیسا رقص نہیں کر سکتا۔گووندہ نے فلم ’کل دل‘ کے ٹائٹل سونگ میں اپنے ہنر کا مظاہرہ کیا ہے۔اس فلم میں رنویر سنگھ اور علی ظفر بھی ہیں۔ رنویر سنگھ کا کہنا ہے کہ ’پہلے کے یا آج کے تمام اداکاروں میں کوئی بھی ایسا نہیں جو ان کی صلاحیت کا مقابلہ کر سکے۔ وہ واقعی میں ایک آل راوٴنڈر ہیں۔گووندا کی تعریف میں انھوں نے مزید کہا: ’میرے خیال میں گووندا بھارتی سینما میں قدم رکھنے والے بہترین اداکاروں میں سے ایک ہیں۔