2روزہ Zameen.comپراپرٹی ایکسپو کا شاندار افتتاح

ہفتہ 15 نومبر 2014 22:30

2روزہ Zameen.comپراپرٹی ایکسپو کا شاندار افتتاح

لاہور (اُردو پوائنٹ اخبار تازہ ترین۔15نومبر۔2014ء)Zameen.comپراپرٹی ایکسپو 2014ء کاشاندار افتتاح کر دیا گیا ہے ۔اس پروقار پراپرٹی کی نمائش کا افتتاح تقریب کے مہما ن خصوصی نیئر علی دادا نے کیا جو کہ ملک و بیرون ملک اپنی تعمیراتی مہارت کی وجہ سے جانے جاتے ہیں۔ پاکستان میں بھی ان کی بنائی ہوئی پر شکوہ عمارتیں اپنی مثال آپ ہیں۔

یہ امسال پراپرٹی کی سب سے بڑی نمائش ہے جس میں ملک بھر سے رئیل اسٹیٹ سے وابستہ افراد نے کثیر تعداد میں شرکت کی ہے ۔ اس ایونٹ میں رئیل اسٹیٹ کی دنیا کے نامور اداروں ، ماہرین ، رئیل اسٹیٹ ایجنسیوں نے بھی بڑی تعداد میں شرکت کی ۔ شرکاء نے Zameen.comکی کاوش کی تعریف کرتے ہوئے اس ایکسپو کو پراپرٹی کے شعبہ کی ترقی کیلئے سنگ میل قرار دیا۔

(جاری ہے)

اس ایکسپو کو مقامی ذرائع ابلاغ میں بھی خاصی پزیرائی حاصل ہوئی ۔
تقریب میں ماہرین نے بطور خاص شرکت کی ۔ انہوں نے شرکاء اور سرمایہ کاروں کو پراپرٹی کے بارے میں مفید مشورے دیے ۔ تقریب میں ملک کے نامور اداروں ایڈن بلڈرز پرائیوٹ لمیٹڈ، رائل ریزیڈنشیاء، کامنرز سکائی گارڈنز، ایل ڈی اے سٹی، نیو لاہور سٹی، پیرا گون سٹی، پارک لین ہومز، سہگل اسٹیٹ، پیس برکاء، سٹی ایسوسی ایٹس، سفاری اسٹیٹس اور ڈیف کلیریا نے اپنے پراجیکٹس کی نمائش کی۔

تقریب سے قبل چلائی گئی مارکیٹنگ مہم ، جس میں ملکی ٹیلیویژن پر اشتہارات، ریڈیو پر اشتہارات، بل بورڈزاورسٹریمرز لگائے گئے۔ اس کے علاوہ متعدد تعلیمی اداروں میں لگنے والے بینرز نے بھی عوام الناس کو اس نمائش کے بار ے میں آگاہ کیا تھا۔ اس وجہ سے نمائش کے دن ہر طبقہ سے سینکڑوں کی تعداد میں لوگوں نے شر کت کی۔ شرکاء نے "قسمت کا پہیہ"کو گھما کر اپنی قسمت آزمائی۔

اس مقصد کیلئے ملک کی معروف الیکٹرانک کمپنیوں سام سنگ اور ہائیر نے خدمات پیش کیں جس میں بہت سے افراد کی قسمت نے ساتھ دیا اور وہ اپنے ساتھ انعامات لے کر گئے۔ بلاگرز ایونٹ نے اس تقریب میں مزید رنگ بھر دیے ۔انہوں نے مختلف مقابلہ جات میں شرکت کی اور انعامات جیتے ۔ تقریب میں شریک بلاگرز نے اس شاندار نمائش کے انعقاد پر مسرت کا اظہار کرتے ہوئے انتظامیہ کو مبارک باد پیش کی۔


میڈیا کے نمائندوں سے بات چیت کرتے ہوئے Zameen.comکے سی ای او ذیشان علی خان نے کہا کہ ہم اتنی بڑی نمائش کے کامیاب انعقاد پرخوشی محسوس کرتے ہیں۔ان کا کہنا تھا کہ یہ نمائش پاکستان میں پراپرٹی کے شعبے کی ترقی میں سنگ میل ثابت ہوگی۔ Zameen.comنے گزشتہ سال حکومت پاکستان کے اشتراک سے پاکستان رئیل اسٹیٹ ایکسپو 2013ء کا انعقاد کیا تھا ۔

اس سال بھیZameen.com دبئی میں منعقد ہونے والے Cityscape Global 2014کا واحدپاکستان آن لائن میڈیا پارٹنر تھا۔یہ ایونٹ عالمی سطح پر پراپرٹی کی دنیا کابڑا ایونٹ تسلیم کیا جاتا ہے جس میں دنیا بھر سے نامور پراپرٹی کے ادارے شرکت کرتے ہیں۔ ذیشان علی خان نے مزید کہا کہ پاکستان میں پراپرٹی کے کاروبار کی صورتحال تبدیل ہو رہی ہے او ر ایسے وقت میں جب اس شعبے میں مقابلہ کی فضا ء پیدا ہو چکی ہے تو قومی بلڈرز کو چاہئے کہ وہ اپنے تعلقات وسیع کریں ۔

ان کا کہنا تھا کہ اس نمائش سے مقامی بلڈرز اور ڈویلپرز کو سب سے زیادہ فائدہ ہو گا کہ وہ اپنے تعلقات کو وسیع کریں اور اپنے کام کو عوام کے سامنے بہتر طریقے سے پیش کر سکیں۔
اس موقع پر Zameen.comکی انتظامیہ نے بلاگرز کیلئے خصوصی محفل کا انتظام بھی کیا جس میں بلاگرز کو نمائش سے متعلق تفصیل سے بتایا گیا ۔
نمائش کے دوران گفتگو کرتے ہوئے شہریوں کا کہنا تھا کہ پراپرٹی سے متعلق لاہور میں نمائش کا انعقاد خوش آئند ہیں ۔ انہیں ایک ہی چھت کے تلے مختلف بڑے ڈیلرز سے مشورہ کرکے زمین خریدنے میں آسانی ہوئی ۔ ایسی نمائشیں ہوتی رہنی چاہئیں۔ عوام کو ایک ہی چھت تلے مختلف بڑے پراپرٹی گروپس سے رابطے میں آسانی رہتی ہے۔

2روزہ Zameen.comپراپرٹی ایکسپو کا شاندار افتتاح