پی ایف یو جے نے عمران خان کی جانب سے صحافیوں کو بکاؤ مال اور ان پر لگائے جانے والے کرپشن کے الزامات کے ثبوت مانگ لئے
منگل 18 نومبر 2014 18:38
اسلام آباد (اُردو پوائنٹ تاز ترین اخبار۔ 18نومبر 2014ء ) پاکستان فیڈرل یونین آف جرنلسٹس (پی ایف یو جے) نے تحریک انصاف کے چیئرمین عمران خان کی جانب سے صحافیوں کو بکاؤ مال اور ان پر لگائے جانے والے کرپشن کے الزامات کے ثبوت مانگ لئے ہیں اگر انہوں نے ثبوت فراہم نہ کئے تو 20 نومبر سے احتجاجی تحریک کا آغاز کیا جائے گا۔ جس کے مطابق 20 نومبر کو ملک بھر کے پریس کلبوں میں عمران خان کے خلاف احتجاجی کیمپ لگائے جائیں گے جبکہ اسلام آباد میں آر آئی یو جے اور نیشنل پریس کے زیراہتمام ڈی چوک میں پی ٹی آئی کے دھرنے اور عمران خان کے کنٹینر کے سامنے احتجاجی کیمپ لگایا جائے گا۔
اگر انہوں نے اس احتجاج کے موقع پر بھی ثبوت فراہم نہ کئے تو 21 نومبر کو لاڑکانہ جلسہ میں رپورٹر، کیمرہ مین، فوٹو گرافر اور ٹیکنیشن کالی پٹیاں بازوؤں پر باندھ کر جلسہ کی کوریج کریں گے۔(جاری ہے)
جبکہ جلسہ گاہ کے باہر سیکرٹری جنرل پی ایف یو جے خورشید عباسی کی قیادت میں احتجاجی کیمپ لگایا جائے گا۔ لاڑکانہ میں ہونے والے احتجاج کے بعد بھی عمران خان نے ثبوت نہ دیئے تو 23 نومبر کو گوجرانوالہ میں ہونے والے جلسہ کی کوریج بھی سیاہ پٹیوں کے ساتھ کی جائے گی۔
پی ایف یو جے کے صدر افضل بٹ نے کہا ہے کہ یہ احتجاج تحریک انصاف کے خلاف نہیں بلکہ عمران خان کے بیان کے خلاف ہے۔ ہمارا مطالبہ ہے کہ جن کو وہ بکاؤ صحافی سمجھتے ہیں ان کے نام اور ثبوت پی ایف یو جے کو فراہم کریں چاہے وہ کوئی اینکر، رپورٹر، کیمرہ مین یا فوٹو گرافر ہی کیوں نہ ہو۔ پی ایف یو جے اس کے خلاف ازخود کارروائی کرے گی بغیر کسی نام کے الزام لگانے کے پوری صحافتی کمیونٹی کو نشانہ بنایا گیا ہے۔ پی ایف یو جے کے صدر کے مطابق جب عمران خان سے ان کے کنٹینر میں سابقہ الزامات کے بعد پی ایف یو جے کے وفد نے ملاقات کی تو انہوں نے وعدہ کیا تھا کہ اس کے بعد پی ٹی آئی کے پلیٹ فارم سے بغیر ثبوت اور بغیر کسی نام کے کسی پر الزام نہیں لگایا جائے گا۔ تحریک انصاف کے سربراہ نے اپنی ہی کمٹمنٹ کی نفی کی ہے جس سے پی ایف یو جے اور صحافتی برادری میں شدید تشویش پائی جاتی ہے انہوں نے واضح کیا ہے کہ صحافتی کمیونٹی کسی کے خلاف نہیں ہے ہر جماعت کا اپنا ایجنڈا ہے ہمارا مطالبہ صرف اتنا ہے کہ عمران خان مذکورہ صحافیوں کے نام بتا کر پوری صحافتی کمیونٹی کو ذہنی اذیت سے نکالے۔مزید اہم خبریں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.