عمران خان نے خیبرپختونخوا کابینہ سے منظور ہیلتھ ایکٹ پر ڈاکٹرز سے مشاورت کی یقین دہانی کروا دی
منگل 18 نومبر 2014 20:11
پشاور(اُردو پوائنٹ تاز ترین اخبار۔ 18نومبر 2014ء) تحریک انصاف کے چیئرمین عمران خان نے صوبائی کابینہ سے منظور ہونیوالے ہیلتھ ایکٹ پر ڈاکٹرز سے مشاورت کی یقین دہانی کروادی ۔اس سلسلے میں تحریک انصاف کے چیئرمین عمران خان کا پشاور کے سینئر ڈاکٹرز سے ایک مشاورتی اجلاس سی ایم سیکرٹریٹ پشاور میں منعقد ہوا جس میں وزیر اعلیٰ پرویز خٹک،سپیکر اسد قیصر،ڈپٹی سیکر امتیاز شاہد قریشی،صوبائی وزراء شاہرام خان ترکئی،علی امین گنڈا پور،شاہ فرمان ،عاطف خان،مشتاق غنی ،ایم پی ایز فضل الہی ،زرین ریاض، ایم این اے انجینئر حامد الحق صوبائی جنرل سیکرٹری تحریک انصاف خالد مسعوداور امریکہ سے آئے ہوئے ڈاکٹر برکی اور انصاف ڈاکٹرز فورم کے دیگر بھی موجود تھے۔
اجلاس میں ڈاکٹرز نے نئے منظور ہونیوالے ہیلتھ ایکٹ کے حوالے سے اپنے تحفظات اور مسائل تحریک انصاف کے چیئرمین عمران خان کے سامنے تفصیل سے پیش کئے جس پر عمران خان نے ایکٹ اسمبلی سے منظور ہونے سے قبل ڈاکٹرز سے مشاورت کرنے کی یقین دہانی کروادی۔(جاری ہے)
ڈاکٹرز نے پرائیوٹ پریکٹس سمیت دیگر مسائل پر اپنے خیالات کا اظہار کیا ۔تحریک انصاف کے چیئرمین عمران خان نے اس موقع پر خطاب کرتے ہوئے کہا کہ شروع سے ہی ایک مشن ہے کہ صوبے میں صحت اور تعلیم کا نظام بہتر بنایا جائے کیونکہ جب تک ایک سسٹم نہیں ہو گا تب تک معاملات ٹھیک نہیں ہونگے۔
انھوں نے کہا کہ ہمیں اختیارا ت اپنے پاس رکھنے کا کوئی شوق نہیں،تمام اختیارات اپنے پاس رکھنا شہباز شریف کا کام ہے جو اختیارات پاس رکھ کر پیسہ بناتا ہے ۔انھوں نے کہا کہ مغربی سسٹم کی کامیابی کا راز یہی ہے کہ وہاں اختیارات نچلی سطح تک منتقل کئے جاتے ہیں اور لوگ اپنے ہسپتالوں ،سکولوں وغیرہ کا نظام خود چلاتے ہیں۔انھوں نے کہا کہ شوکت خانم ہسپتال کے قیام کے وقت لوگ کہتے تھے کہ یہ کامیاب نہیں ہو گا اور کینسر کے مرض کا مفت علاج ممکن نہیں لیکن ہم نے اسے کامیاب کر کے دکھایا کیونکہ اس کے پیچھے غریبوں کی فلاح کی سوچ تھی ۔عمران خان نے کہا کہ چھاپے مارنے سے سسٹم ٹھیک نہیں ہو گا بلکہ اس کیلئے ٹھوس اقدامات اٹھانے پڑیں گے۔انھوں نے کہا کہ ہسپتالوں اور ٹیچنگ ہسپتالوں میں تمام اختیارات ہسپتال کے اندر ہی ہونگے ۔ادارے کے سربراہ کو ہائرنگ اور فائرنگ کا اختیار حاصل ہو گا کیونکہ اختیارات دیکر ہی ذمہ داری دی جا سکتی ہے ،اختیار کے بغیر کوئی ذمہ داری پوری نہیں کر سکتا۔انھوں نے کہا کہ ہیلتھ ایکٹ کے حوالے سے ڈاکٹرز سے مکمل مشاورت کی جائیگی اس حوالے سے انھوں نے صوبائی وزیر صحت شاہرام خان ترکئی کو ہدایت بھی جاری کی تاکہ ڈاکٹرز سے مشاورت کی جا ئے۔مشاورتی اجلاس کے اختتام پر ڈاکٹرز نے گو نواز گو کے نعرے بھی لگائے۔متعلقہ عنوان :
مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.