امیتابھ بچن کی باتیں سن کر لتا منگیشکر کی آنکھیں نم ہو گئیں

بدھ 19 نومبر 2014 11:13

ممبئی(اُردو پوائنٹ تاز ترین اخبار۔ 19نومبر 2014ء) بالی ووڈ کے بگ بی امیتابھ بچن نے اپنے معروف ٹی وی شو ” کون بنے گا کروڑ پتی” کے اختتامی پروگرام میں بعض اداکاروں کے ساتھ گپ شپ میں کچھ ایسی باتیں کیں جنہیں سن کر معروف گلوکارہ لتا منگیشکر کی آنکھیں نم ہو گئیں۔ہوا یہ کہ معروف پروگرام کون بنے گا کروڑ پتی کے آٹھویں سیزن کے آخری پروگرام کی شوٹنگ کے دوران اداکاروں کی بڑی تعداد نے شرکت کی جس میں رنویر سنگھ، گووندا، پرینیتی چوپڑا اور علی ظفر جیسے فنکار بھی شامل تھے جنہوں نے اپنی نئی ریلیز ہونے والی فلم ” کل دل ” کی پروموشن کی۔

امیتابھ کے آخری شو میں فنکاروں کی شرکت پر وہ بہت خوش تھے اور انہوں نے اپنے ساتھ اس ٹیم کی ایک تصویر ٹوئٹر پر بھی پوسٹ کی۔ پروگرام کے اختتام پر ان فنکاروں سے بات چیت کے دوران امیتابھ نے فلم کے ایک گانے کی کچھ سطریں دہرائی جس پر لتا بہت جذباتی ہوگئیں اور فیس بک پر اپنے احساسات بیان کیے۔

(جاری ہے)

شو کی آخری قسط کا ذکر کرتے ہوئے لتا منگیشکر نے سماجی رابطے کی ویب سائٹ فیس بک پر لکھا کہ ” امت جی نے پروگرام میں دو لائنیں کہی تھیں، محبت کرنے والے کم نہ ہوں گے، تیری محفل میں لیکن ہم نہ ہوں گے۔

یہ سن کر میری آنکھیں بھر آئیں۔ انہوں نے مزید لکھا کہ ’امت جی آپ کے لیے میرے دل میں خاص جگہ ہے اور میں آپ کی بہت عزت کرتی ہوں۔ خدا ہمیشہ آپ کو خوش رکھے اور لمبی عمر اور اچھی صحت دے۔امیتابھ بچن نے بھی جواباً ٹوئٹر پر لکھا ’ لتا جی میرے پاس الفاظ نہیں کہ میں آپ کا شکریہ ادا کر پاوٴں۔ ” کے بی سی” کا گرینڈ فینالے اختتام کو پہنچا، یہ سفر بڑا پرجوش رہا اورہمیں بتایا گیا ہے کہ یہ میرا 602 ایپی سوڈ تھا۔

Facebook Twitter Google + Share on Whatsapp

امیتابھ بچن کی باتیں سن کر لتا منگیشکر کی آنکھیں نم ہو گئیں

مزید فن و فنکار کی خبریں