فٹبالر پیلے کی حالت میں بہتری آگئی ، انتہائی نگہداشت یونٹ میں داخل

ہفتہ 29 نومبر 2014 15:56

ساؤ پولو (اُردو پوائنٹ تاز ترین اخبار۔ 29نومبر 2014ء) برازیل کے لیجنڈ فٹبالر پیلے کی حالت میں بہتری آ گئی ، تاہم انہیں انتہائی نگہداشت کے یونٹ میں ہی رکھا گیا ہے۔ سابق برازیلین سٹار فٹبالر پیلے پیشاب میں تکلیف کے باعث ساوٴ پاوٴلو میں البرٹ آئن سٹائن ہسپتال میں زیر علاج ہیں۔ ہسپتال انتظامیہ کے مطابق انہیں سانس لینے میں تو کوئی دشواری نہیں لیکن گردوں کا کام کرنے کے لیے عارضی طور پر مشین لگائی گئی ہے۔

(جاری ہے)

پیلے نے سوشل ویب سائٹ ٹوئٹر پر بتایا کہ وہ ٹھیک ہیں ، انہوں نے اپنے تیمارداروں اور مداحوں کا شکریہ ادا کیا جو ان سے ملنے کے لیے آئے اور ان کی صحت یابی کے لیے دعائیں کیں۔ سابق فٹبالر کو گردے کی پتھریاں نکالنے کی سرجری کے بعد ہسپتال سے خارج کر دیا گیا تھا لیکن مقامی میڈیا کے مطابق انہیں گردے کے آپریشن کے بعد دوبارہ انفیکشن ہو گیا تھا۔

Facebook Twitter Google + Share on Whatsapp

فٹبالر پیلے کی حالت میں بہتری آگئی ، انتہائی نگہداشت یونٹ میں داخل

مزید کھیلوں کی خبریں