سول حکومت کی نگرانی کیلئے فوجی افسروں کو تعینات کیا جائے: الطاف حسین

اتوار 30 نومبر 2014 11:40

کراچی(اُردو پوائنٹ اخبار تازہ ترین۔30نومبر۔2014ء) ایم کیو ایم کے قائد الطاف حسین کا کہنا ہے کہ آئین میں ترمیم کے ذریعے سول حکومت کی نگرانی کیلئے ایماندار فوجی افسروں کو تعینات کیا جائے۔ پرویز مشرف کا دور سب سے بہترین دور تھا۔بحریہ ٹاؤن کی طرف سے کراچی اور حیدرآباد میں الطاف حسین کے نام پر یونیورسٹیوں کے قیام کے اعلان کے بعد ایم کیو ایم کے مرکز نائن زیرو پر دعوت حلیم کا اہتمام کیا گیا۔

(جاری ہے)

تقریب سے خطاب کے دوران الطاف حسین کا کہنا تھا صرف فوجی حکومتوں نے بلدیاتی انتخابات کروائے۔ پرویز مشرف کا دور سب سے بہترین دور تھا۔ الطاف حسین کا کہنا تھا کہ وہ قومیں خوش نصیب ہوتی ہیں جنہیں بہادرجرنیل ملیں۔ پرویز مشرف کے علاوہ ایسا کوئی جرنیل نہیں۔ افتخار چودھری نے پرویز مشرف کو آئین میں ترمیم کا اختیار دیا تھا۔ الطاف حسین نے کہا کہ حیدر آباد میں یونیورسٹی کے قیام میں رکاوٹ بننے والوں کو حکومت کا حق نہیں۔ سپریم کورٹ ایسے وزیروں کی گرفتاری کیلئے فوج کوحکم دے سکتی ہے۔ ایم کیو ایم کے قائد نے وفاقی حکومت سے مطالبہ کیا کہ تعلیم کے بجٹ میں پانچ فیصد اضافہ کیا جائے۔